Page 125 - karagandy_zhumyszhylarynyn_angime_zhyrlary

Жауынгерлік жігеріңді үдеттің,
Күншілдер де көре алмаған қорланды.

Жалғыз Торғай сен емессің, бір ғана,
Әйелдер көп талай озып ту алған.
Сен бақытты, сен ардақты жауынгер,
Еңбегіңе ел сүйсініп қуанған.

АШЫЛМАСЫН АРАНЫҢ 141

Гитлер деген арамы
Ашылып тағы араны,
Аш бөрідей жалақтап,
Құтырған иттей алақтап
Шапты менің жеріме.
Аспаннан бомбы тастады,
Соғыста өзі бастады,
Сөйтіп тағы тиісті,
Қан шеңгелдеп туған ит —
Адамзаттың қастаны.
Бірақ біздің еліміз,
Елден туған еріміз
Сендей иттің талайын,
Жер бетінен жоқ қылып,
Беруші еді сазайын.
Апшысын тез қуырып,
Азу тісін суырып,
Аузы-мұрнын -қан қылып,
Жүрмес үшін итше ұлып,
Көзін жылдам жоялық.
Өзі тиген сұм Гитлер
Жатсын қанға боялып.
Ей, қан қүмар, ендеше
Ойлағаның болмайды.
Біз күштіміз ежелден
Ұрғанымыз оңбайды.
Домбырамды қолға алып,
Қыран құстай қомданып,
Сені Гитлер жоюға
Керек болған сағатта
Мен де барам майданға.
Сонда өлеңнің оғымен,
Сөздің ыстық шоғымен
Гитлер сендей жауызды
Жоқ қылармын майданда.