Облыстық  "Кітапхана оқу, даму, демалу және қарым-қатынасқа арналған кеңістік ретінде" семинары

2020 жылдың 23 қазан күні Н.В.Гоголь ат. ОӘҒК мамандары облыстық, қалалық және аудандық кітапханалардың оқырмандарға қызмет көрсету бөлімі мамандарына ZOOM платформасында "Кітапхана  оқу, даму, демалу және қарым-қатынасқа арналған кеңістік ретінде""  атты облыстық семинарын өткізді.

Семинарда карантин кезеңіндегі онлайн қызмет көрсету, балалар кітапханасының заманауи бейнесі, оқырман аудиториясының ақпараттық қажеттіліктерін зерттеу мәселелері талқыланды. Офлайн және онлайн форматтағы жұмыстың жаңа және тиімді түрлері; коворкинг орталықтарының қызметі; Абай Құнанбайұлының 175 жылдығына және Әл-Фарабидің 1150 жылдығына арналған "Сүйер ұлың болса, сен сүй..." жобасының мультимедиялық таныстырылымы ұсынылды.

Шара барысында облыстық кітапханалардың мамандары: абонемент бөлімінің басшысы Ярцева Эльмира Каратаевна, өнер туралы әдебиеттер бөлімінің басшысы Оспанкұлова Балжан Зейнелқызы, Абай атындағы ОБК мектеп жасына дейінгі және бастауыш сынып оқушыларына қызмет  көрсету  бөлімінің басшысы Кучаева Елена Олеговна және  Балқаш, Саран, Бұқар жырау, Абай ОКЖ қызметкерлері жұмыс тәжірибелерімен бөлісті.

Семинарға қатысушылар іс-шараның маңыздылығын және карантин кезеңіндегі кітапханалардың онлайн жұмысының өзектілігін атап өтті.