Page 18 - 2023_kzd

19 ақпан 1923 - Қазақстанның еңбегі сіңірген
архитекторы Эдуард Георгиевич Меликовтың
туғанына 100 жыл
Э.Г. Меликов 1923 жылы 19 ақпанда Кисловодскіде дүниеге келген. Бакудегі орта
мектепті бітірді. Тбилиси артиллериялық училищесінде лейтенант шенін алды. Екінші
Дүниежүзілік соғыста барлаушы болды. Соғыста жараланып, 1946 жылы еліне қайтады.
Ерліктері үшін бірнеше орден, медальдармен марапатталған.
1951 жылы Әзірбайжан политехникалық институтының сәулет факультетін бітірген соң
жолдамамен Қарағанды қаласына жіберіледі. 1988 жылға дейін Қарағанды облыстық сәулет
бөлімінде жұмыс істейді. Ол отыз үш жыл облыстық сәулетсаласының бастығы болды.
1989 жылдан 1998 жылға дейін Ярославльде тұрды. Сол жақта техникумда жаңадан
ашылған сәулет бөлімінде сабақ береді.
1963 жылдан Қарағанды политехникалық институтында сәулет мамандығы бойынша дәріс
береді. 1972 жылы кандидаттық диссертация қорғап, профессор лауазымына ие болды.
Э.Г. Меликов Жиырма жыл бойы КСРО сәулетшілер одағы басқармасының мүшесі болып
сайланды, Қазақстанның Мемлекеттік сыйлығының лауреаты, Қазақстанның еңбек сіңірген
сәулетшісі, «Ресейдің құрметті құрылысшысы», көптеген ордендер, грамоталармен
марапатталған.
1998 жылы Ярославльден Израильге тұрақты тұруға көшті. Израильдің Арада қаласында
ИПИ оқу орталығында сурет салудан сабақ берді. Израйль Суретшілер Одағының мүшесі.
Ол 2006 жылы ашылған екінші дүниежүзілік соғыс жауынгерлерін еске алуға арналған
ескерткіш жобасының авторы.
Әдебиеттер:
Меликов Эдуард Георгиевич // Қазақстан. Ұлттық энциклопедия] : энциклопедиясы. -
Алматы: Қазақ энциклопедиясы, 1998 - 2007. - 6 т. : Қ-Н / ред. Б. Ғ. Аяған. - 2004. - 447 б.

26 ақпан 1943-2013 – Суретші Мыңғыш
Мәуленұлы Әбілқасовтың туғанына 80 жыл
Арқа елінен шыққан дарынды суретші Мыңғыш Мәуленұлы Әбілқасов 1943 жылы 26
ақпанда Қарағанды облысы, Жаңаарқа ауданында дүниеге келді. 17 жасында Алматы
көркемсурет училищесіне түсіп, оны тәмамдаған соң Қарағандыда жолын бастады. Н.В.Гоголь
атындағы көркемсурет училищесінде оқып жүрген кезінде суретші бүкіл әлемге танымал
кескіндемеші суретшілерден дәріс алып, басқан қадамы сәтті болды. Бірінші курста қазақ
халқының тұңғыш суретші қызы Айша Ғарипқызы Ғалымбаева сабақ беруден бастаса, одан әрі
Әубәкір Ысмайылов, Молдахмет Кенбаев, Алексей Ильич Бортников сынды Одақ пен
Республика көлеміне аттары танымал суретшілерден тәлім-тәрбие алды. М. Әбілқасов 1970
жылы Суретшілер одағына мүше болып қабылданады. Одан соң ерен еңбегі үшін 1990 жылы
«Қазақ КСР-інің Еңбек сіңірген өнер қайраткері» атағын алды. Көптеген аймақтық,
республикалық, облыстық, халықаралық көрмеге қатысқан қылқалам шебері. Ол - тек
Қазақстанға ғана емес, алыс-жақын шетелдерге танымал суретші. 1994 жылдан 2009 жылға
дейінгі аралықта Қарағанды облыстық бейнелеу өнері мұражайының директоры қызметін 16
жыл атқарды.
Суретшінің еңбектері көрген жанның жүрек қылын шертіп, ерекше сезімге бөлейді.
Композициялық құрылымның бір қалыпты ырғағы, көз тартатын кеңістік тереңдігі өмірдің
жалғасын, мәңгілік тіршілігін байқатады. Кенепке майлы бояумен жазылған «Сарыарқа» деп
аталатын жұмысында тамаша табиғат көрінісі Сарыарқаның сахарасы, кең даласы, тау
бөктерлері бейнеленген. Табиғат құбылыстарын бейнелеуде суретші табиғаттың таңғажайып
сұлулығын ерекше бейнелейді. Аспан кеңістігінде, айналаның түлеуі мен құлпыруын
бейнелеуде ыстық ықылас ниетін айқын аңғарамыз.
Суретшінің көптеген туындысы Қазақстанның Алматы, Астана, Қарағанды, Шымкент т.б.
бірсыпыра қаласында және Мәскеуде, сондай-ақ алыс шетелдерде жеке жинақтаушылардың

18