Қарағанды ОӘҒК

Кенен Әзірбаевтың Бестомдық «Шығармалары» атты жаңа кiтабымен толықты! 3 т. : Жан серігім, домбыра : әндер мен күйлер / құраст. Б. К. Әзірбаев. -  2017. - 279 б.

Ақ бас тарихтың әртүрлі кезеңінде ғұмыр кешкен ұлы ақындардың өмірі мен өнерінде бір ортақ қасиеттер болады. Ол – халықтың жүрек сөзін асыл өнер тілінде сөйлете алатын күрескерлік қасиеттер болса керек. Бұл ретте, Кенен Әзірбаевтың барша мағыналы өмірі мен арқалы өнері туған халқының тағдырымен біте қайнасып жатқанын алдымен еске алған жөн.

Құрметті оқырман, ғажайып өнер иесінің сырлы тағдыры мен шығармашылығынан сыр шертетін көрмені көруге асығыңыздар!

Театр дайын драматургияны қойып беру емес,

ондағы оқиғалардың неге олай болғаны жайында ойлану.

Тадаси Судзики

Қазақ театрының даму белестерінде тарихи пьесалардың алатын орны бөлек. Ұлттық драматургиядағы тарихи тақырыпқа жазылған шығармалардың дені қазақ халқының ұлы перзенттерінің өміріне, солардың басынан кешкен тарихи құбылыстары мен олар өмір сүрген ортаны суреттеуге арналған. Өткендегі тарихи болмыс сол ұлы адамдардың өмірін бейнелеу үстінде ашылады. Солардың ішінде көркемдік сапасы жоғары әрі театр репертуарында ұзағырақ тұрақтап, сахнаға жиірек қойылған спектакль деп: М. Әуезов пен Л. Соболевтің "Абай" трагедиясын алуымызға болады. Спектакльдегі басты рөлді сомдаушының бірі - Бикен Ырымқызы.

Өнер туралы әдебиеттер бөлiмінің кітаптар қоры Мұрат Әбуғазының "Қазақтың домбыра өнері" атты жаңа кiтабымен толықты!

Қазақ халқының сан салалы өнерінің ішіндегі сан ғасырлық тарихы бар ерекше арнасы – домбырашылық-күйшілік дәстүрі болып саналады. Белгілі домбырашы, музыка зерттеуші Мұрат Әбуғазының бұл еңбегінде домбыра аспабы мен күйшілік өнер жан-жақты, кешенді түрде зерттелген. Кітап үш бөлімнен тұрады. Бірінші бөлімінде домбыра аспабының шығу тегінен бастап, күйшілік өнердің қалыптасуы және оның даму кезеңдері тарихи және мәдени тұрғыда қарастырылған. Екінші бөлімде қазақ даласында қалыптасқан дәстүрлі күйшілік мектептер, олардың көрнекті күйші-композиторлары және күйші-орындаушылары жөнінде мол мағлұматтармен қатар ең таңдаулы күйлердің ноталары берілген. Үшінші бөлімінде домбыра аспабының жасалу жолдары мен атақты шеберлер, күй өнерін зерттеуші ғалымдар туралы атылған.

Назарларыңызға ұсынылып отырған кітап жоғары және орта музыкалық оқу орындарының студенттеріне, музыка зерттеушілеріне сонымен қатар, жалпы өнерсүйер қауымға арналады.

Өнер туралы әдебиеттер бөлiмi сiздердi асыға күтедi!

Өнер туралы әдебиеттер бөлiмінің кітаптар қоры

"Әбілхан Қастеев" атты жаңа кiтаппен толықты!

Өнердің өнер иесіне берер ең керемет сыйы – суреткер өмірінің ұрпақтар жадында жалғасын табуы, ал егер ол аса дарынды, данышпан болса – мәңгілік естелікке айналуында. Қазақ бейнелеу өнерінің кәсіби мамандарының тұңғышы, сол кәсіби өнердің негізін қалаушылардың алғашқысы, Қазақстан Республикасының халық суретшісі Ш. Уәлиханов атындағы ҚР Мемлекеттік сыйлығының иегері, тума дарын Әбілхан Қастеевтің 100 жылдығын атап өтті.

Қадірлі оқырман!

Өнер туралы әдебиеттер бөлімі назарларыңызға биші, педагог, Қазақстанның халық артисі Шара (Гүлшара) Баймолдақызы Жиенқұлованың туғанына 105 жыл толуына орай ұйымдастырылған шағын көрмені ұсынады.

Шара Жиенқұлова – Қазақстан Республикасының халық артисі, Мемлекеттік сыйлықтың иегері, әйгілі биші.

Мектепте оқып жүргенде-ақ көркемөнер үйірмесінің белсенді мүшесі болған Шара ән айтып, драмалық рөлдерді ойнай жүріп, би де билейтін. Ол өзбектің «Шамильдің биі», «Марьямхон» деген билерді өзі қойып, өзі билеп жүрді. Табиғатынан сұлу, талшыбықтай әсем денелі қыз Алматы қаласына биші ретінде таныла бастайды. Сол кездерде оны қалада өтетін әртүрлі эстрадалық концерттерде би билеуге шақыратын.