Page 33 - Сборник эссе

Бүгін, міне, аулақтау белден іргем,
Сәлемімді жолдаймын елге кімнен?
Қасиеттім, киелім, о туған жер,
Көп қой сенен алғаным бергенімнен.

Әр тұрғының шетінен мәрт, тамсанам,
(Жерінеді қалалық шарттан санам).
Көңлім - дархан, пейілім - кіршіксіз тым,
Мінезім де, туған жер, тартқан саған.

Бақыттарын еңбекпен бағалаған,
Жайсаң жеңгем сағынтты, адал ағам.
Аққуың ем, туған жер,
қоштасарда
қия алмастан айдынын сабалаған.

Арасында бақ-сордың жатыр маңдай,
Қарбаластан қам көңіл аһ ұрғандай.
Бір рет келіп дұғаңды бағышта деп,
Атамның да мазары шақырғандай...

32