Page 77 - КЗД_каз_2020

Семейден Ташкентке бағыт алды. Оның құрамындағы әртістер театралды баяндамалар, әзіл-
сықақтар, частушкалар литмонтаждар орындады.
Театрдың алғашқы директоры Василий Михайлович Портнов болды. Ол басқарушы ғана
емес, сонымен қатар театрдың көркемдік жетекшісі және қойылымдардың авторы да болды. Ол
басшылық еткен 18 жыл ішінде жылжымалы Түрксіб бригадасы кәсіпқой драма театрына
айналды. 1948 жылы В.М. Портнов республикалық М.Ю. Лермонтов атындағы драма
театрының директоры болып тағайындалды.
Театрдың халыққа қызмет көрсетудегі алғашқы жылдарында Шекспир және Э. Войнич
сияқты белгілі жазушылар мен драматургтердің шығармаларын сахнаға дайындай бастады.
Ұлы Отан соғысы жылдарында қарағандылық әртістер концерттік бригадалар құрамында
майдан жауынгерлері және тылдағы шахта және кеніш жұмыскерлері алдында өз өнерлерін
көрсетті.
1954 жылы орыс драма театры қазақ драма театрынан бөлінді. 1962 жылы жемісті
еңбектерінің арқасында Қарағанды драма театрына орыстың ұлы режиссері К.С.
Станиславскийдің есімі берілді.
1981 жылы театр өзінің 50-жылдық мерейтойы қарсаңында халықтар Достығы орденімен
марапатталды.
1961-1997 жылдар аралығында Қазақстан Республикасының халық әртісі Виктор
Кириллович Борисов театрдың директоры болды. Оның басшылығымен театр Қазақстандағы ең
үздік шығармашылық ұжымдардың бірі болды. В.К. Борисов әртістердің, режиссерлер мен
суретшілердің біліктілігін арттыруға және кәсіби шеберліктерін шыңдауға көп көңіл бөлді. 2003
жылы В.К. Борисов өмірінің соңына дейін тұрған Чкалов көшесіндегі үйге мемориалдық тақта
орнатылды. Театр Алматы, Омбы, Полтава, Фрунзе, Новосібір, Павлодар, Иркутск сынды
қалаларға гастрольдік сапарға шығып, сәтті өнер көрсетті. Оның ішінде 1979 жылы Мәскеу
қаласына сапарын ерекше атауға болады. Режиссер, ҚазКСР-ның еңбек сіңірген өнер қайраткері
Н.Воложанин қойған спектакльде пьеса авторлары - В.Розов, А.Арбузов, В.Тендряков болып,
оған жоғары баға берді.
1980 жылы театр Халықтар достығы орденімен марапатталды. 1986 және 2006 жылдары
аралығында театрдың бас режиссері ҚР-ның еңбек сіңірген қайраткері Г.Оганесян болды.
Бүгінгі күндері театрға Дунай Амандықұлы Еспаев басшылық етеді
Театрдың репертуарында бүгіндері 40 шақты спектакль бар. Оның ішінде балаларға
арналған қойылымдар да кездеседі. Атап айтсақ, мұнда Н.Гоголдің "Ревизоры",
А.Островскийдің "Кінәсі жоқ кінәлілер", Д. Исабековтің "Мұрагерлер", Р.Белецкийдің "Сөз
болмаған әңгіме", Д.Кристнердің "Қызуқанды әйелдер", Сенеканың "Ойын" трагедиясы, В.
Рыжковтың "Қайда? Қарағандыда!", Н.Носовтың "Дымбілмес пен оның достарының шытырман
оқиғалары", Е.Шварцтың "Қызыл Телпек", Косарьевтің "Үйшік" сынды пьесаларын
тамашалауға болады.
Әдебиеттер:
Станилавский атындағы драма театры // Қарағанды. Қарағанды облысы: энциклопедия /
ред. А. А. Абдулин. - Алматы: Атамұра, 2006. - 482 б.
Станилавский атындағы драма театры // Қарағанды. Қарағанды облысы: энциклопедия /
ред. Р.Н. Нұрғалиев. - Алматы: Қаз.сов.энцикл., 1990. – 517-518 б.
К. Станиславский атындағы Қарағанды Мемлекеттік орыс драма театры // Қазақстанның
мәдени ошақтары = Культурные центры Казахстана: фотоальбом / Қазақстан Республикасы
Мәдениет және ақпарат министрлігі, Ақпарат және Мұрағат комитеті; құраст. К. Ахметова. -
Алматы: Аса, 2012. - 176-181 б.
К. Станиславский атындағы Қарағанды мемлекеттік достық ордендік орыс драма театры //
Қазақстан театрлары = Театры Казахстана = Theatres of Kazakhstan: [альбом] / Қазақстан
Республикасы Мәдениет және спорт министрлігі. - Алматы: Тау-Қайнар, 2015 - 174-179 б

1940 – 2016 - Журналист Мақсым Омарбекұлының
туғанына 80 жыл
Мақсым Омарбекұлы 1940 жылы туған. Қарағанды мемлекеттік педагогикалық
институтының тарих-филология факультетін 1965 жылы бітірген. 1964 жылы Қарағандыда