Балалық шақтың ең қызықты сәттерінің бірі - қысқы демалыс уақыты. Осы демалыс уақытын тиімді пайдаланған №41 орта мектептің 7 сынып оқушылары мектеп кітапханашысы Марина Өтелбайқызының бастауымен кітапханаға әсерлі саяхат жасады. Жеткіншектерге кітапхана тарихынан ақпарат беріліп, жалпы жұмысы жайлы әңгіме жүргізілді. Сонымен қатар, кітапхананың бөлімдері бойынша экскурсия жасап, жұмыс жасайтын клубтар мен үйірмелер, ұсынылатын дәстүрлі де электронды қызмет түрлері туралы танымды мағлұмат берілді. Білім мен жаңашылдыққа құмар оқушылар кітапхананың жас оқырмандары болып тіркелді.

Өткен жылды артқа тастап, жаңа жылға қадам бастық. Биылғы жыл атаулы күндер мен мерейтойларға толы: Қазақстан Республикасы Тәуелсіздігінің 25 жылдығы, Қарағанды облысының 80 жылдығы, көрнекті қоғам қайраткері О.Бөкейхановтың 150 жылдығы, ұлы ағартушы Ы.Алтынсариннің 175 жылдығы және алғашқы қазақтың ғалым-математигі, қоғам қайраткері Ә.Ермековтің 125 жылдығы және т.б. Келген жылдың алғашқы күндерінен-ақ кітапхана шаралары басталып кетті.

Қаңтар айына арналған іс-шаралар жоспары.

Рождество құтты болсын!!!

Кітапхана келесі тәртіпте жұмыс істейді:

07 қаңтар (бейсенбі)     -     демалыс күні

08 қаңтар (жұма)    -     жұмыс күні

Е.А.Бөкетов атындағы Қарағанды Мемлекеттік Университетінің "Тұлғатану" ғылыми зерттеу орталығымен бірігіп іргесі қаланған "Тағылым" интеллектуалды клубының жемісті жұмысы жалғасуда. Қалың жұртшылыққа берері мол елімізге белгілі тұлғалар өз дәрістерін шын жүректерімен ұсынуда. Клубтың алғашқы дәрісін ҚР еңбек сіңірген қайраткері, белгілі жырау Алмас Алматов оқып көпшіліктің таңдайын қақтырған болатын.

Құрметті оқырмандар!

"Тағылым" танымдық интеллектуалды клубында кезекті кездесу!

Қазақстанның еңбек сіңірген қайраткері, ҚР Мемлекеттік сыйлығының лауреаты, филология ғылымдарының кандидаты, көрнекті жазушы, қаламы қарымды журналист Қойшығара Салғараұлымен өтетін ерекше кездесуге асығыңыздар!

Ғалым-қаламгердің қаламынан "Алтын тамыр", "Көмбе", "Қазақтың қилы тарихы", "Қазақтар", "Түрік әлемі", "Түріктер", "Ұлы Қағанат", "Ұлы дала" сынды еңбектер шыққан.

Құрметті оқырман! Халқымыздың көне тарихын тереңінен