- Мақала жайында ақпарат
- Көру саны: 6089
Қарағанды қаласының құрметті азаматтары: Библиогр.әдебиет. көрсет. - Қарағанды: Б.ж., 2004. - 36 б.
Қарағандыда құрметті азаматтардың əлеуметтік институты 1967 жылдан бастау алған. Еңбекшілер депутаттары қалалық Кеңесінің 1967 жылғы 12 қазандағы шешімімен «Қарағанды қаласының құрметті азаматы» атағын беру туралы ереже бекітілді. Бұл атақ ғылым, мəдениет, қала шаруашылығы, халыққа білім беру, денсаулық сақтау саласында, қалаға сіңірген еңбегі үшін жұмысшыларға, инженер-техник қызметкерлерге, зейнеткерлерге, қаланың қоғамдық өміріне белсене араласқаны үшін өндіріс озаттарына, сондай-ақ облыс аймағына қонған ғарышкерлерге беріледі. Тоқсаныншы жылдарға дейін Құрмет кітабына 40-қа жуық адам енгізілді. Олардың арасында қаланың тұңғыш дəрігерлерінің бірі Я.Ф.Алалыкина, КСРО-ның Құрметті шахтері М.Рақышев, ғарышкерлер Г.С.Шонин, В.Н.Кубасов, А.В.Филипченко, В.И.Волков, В.В.Горбатко, В.А.Шаталов, А.С.Елисеев, Кеңес Одағының Батыры М.Мамыраев жəне тағы басқалар енді.
Қарағандының құрметті азаматтарына диплом, көгілдір лента, тағайындалған куəлік үлгісі, омырау белгісі табыс етіледі. Құрметті азаматтардың фамилиясы, аты-жөні Құрмет кітабына жазылады.
- Мақала жайында ақпарат
- Көру саны: 5905
Қарағанды облысы – Қазақстандағы экологиялық жағынан ең ластанған, өнеркəсіптік өндіріс орындары көп шоғырланған ірі өнеркəсіп орталығы. Бұл өңірдегі өндіргіш күштердің даму барысы көптеген жылдардан бері экологиялық зардаптар ескерілмей іске асырылды. Соның салдарынан облыстың атмосфералық ауасы бұзылды. Мəселен, тұрақты көздерден атмосфераға тарайтын ластанған заттар жылына бір миллион тоннадан асады. Ал бұл жалпы республикадағы барлық қалдықтардың үштен бірі деген сөз. Негізгі ластаушы көздер Теміртауда «Испат-Кармет» АТАҚ (жылына 361,5 мың тонна), Жезқазғанда «Қазақмыс» АҚ (жылына 138,4 мың тонна), Балқашта «Балқашмыс» АҚ (жылына 299,4 мың тонна, сол сияқты Қарағандыдағы энергетикалық кəсіпорындардың өзі жылына 96,2 мың тонна ластандыратын қоспа таратады.
- Мақала жайында ақпарат
- Көру саны: 5840
Сарыарқа батырлары: Библиогр.әдебиет.көрсет. - Қарағанды: Б.ж., 2006. - 33 б.
Кең байтақ қазақ жерінің бір бөлігі Сарыарқа. Ұлан-ғайыр жерді алып жатқан, жерінде табиғаттың барлық ғажайыптары бар бұл жер ежелгі заманнан бері көшпелі мəдениеттің бір ошағы. Орталық Қазақстан – кең дала, көне тарих қана емес, сонымен қатар қара қылды қақ жарған, елін жаудан қорғаған, жұртына қалқан болған батырлардың отаны.
Бабаларымыздың өмірі, заманы, өскен ортасы жайлы тарихи деректер негізі қазақ елінің шежіресі, ел ішінде сақталған ауыз əдебиеті, аңыз-əңгіме жəне көзі ашық, көкірегі ояу ақсақалдардың айтулары бойынша жазылады. Оны зерттеп, зерделеу тарихшы, зерттеуші, ғалым-этнографтардың төл ісі деп білеміз. Ал, бүгін бізге жеткен ауызекі деректерге қарағанда олар көшпелі заманда халықтың басын біріктіріп елді, жерді сыртқы жау шапқыншылығынан қорғауды ұйымдастырушы жəне бастаушы, ақылшы, қолбасшы болған аса ірі тұлғалар екені анық. Олар тұтас бір өлкенің, ұлыстың, өз елінің елдігін, бірлігін, тұтастығын сақтау үшін бар өмірлерін күреспен өткізген, ел-жұртының сый-құрметіне бөленген аса қадірлі азамат, қайраткер қолбасшы, би, ұлысбегі болғандықтары ұрпақтан-ұрпаққа ауызекі жетіп отырған.
- Мақала жайында ақпарат
- Көру саны: 5207
Әдеби Қарағанды: Библиогр.әдебиет. көрсет.-Қарағанды: Б.ж., 2000.-88 б.
Қарағанды туралы жазылған барлық материалдар бүгінгі күнге дейін толық жүйеленбеген және есепке алынбаған, сондықтан да көпшілік оқырманға материалдарды қолдануға қиыншылық әкеледі. Сондай жүйелеудің алғашқы талпынысы болып келген «Өлкеңді сүйе біл» атты әдістемелік-библиографиялық көрсеткіші /Қарағанды, ОҒӘК, 1967/ шығарылған. Бұл жинақта Қарағанды облысының жазушылары мен ақындары туралы қысқаша мағұлматтар жинақталған.
Н.В.Гоголь атындағы облыстық кітапхана көп жылдар ішінде қарағандылық жазушыларының шығармашылығына арналған басылымдар шығарған: «Орталық Қазақстан жазушылары» әдістемелік-библиографиялық материалдар /1973/; «Халық жазушысы» Ғ.Мұстафиннің 90 ж-на арналған әдістемелік-библиографиялық құрал /1992/; «Жайық Кәгенұлы Беқтұров» библиографиялық әдебиеттер көрсеткіші /1992/; «Ұлағат сөзі ұрандай жырау» Бұқар жырау Қалқаманұлының 325 ж-на арналған әдістемелік-библиографиялық құрал /1993/; «Мәңгілік жыршысы» С.Ерубаевтың 80 ж-на арналған жаднама /1994/ «Қарағанды облысы Ұлы Отан соғысында» библиографиялық көрсеткіші /1995/; «Өлеңмен қаптатармын отты селін» библиографиялық әдебиеттер көрсеткіші Қ.Аманжоловтың 80 ж-на арналған /1996/. «Өлке фольклоры» /1999/ атты библиографиялық көрсеткіште революцияға дейінгі кезең қамтылған: онда халық ауыз әдебиеті, халық ақындарының шығармалары енгізілген.