Page 31 - kzd

Әдебиеттер:
Коркин Александр Гаврилович // Қарағанды облысының басшылары (1936 - 2011) =
Руководители Карагандинской области: биографиялық анықтамалық / Қарағанды облысының
мұрағаттар және құжаттама басқармасы, Қарағанды облысының мемлекеттік мұрағаты; құраст.
У. А. Амантаев [т. б.]. - Қарағанды: Экожан, 2011. - 370 б.
Коркин Александр Гаврилович (1927) // Қарағанды. Қарағанды облысы: энциклопедия /
ред. А. А. Абдулин. - Алматы: Атамұра, 2006. - 298 б.

***
Александр Гаврилович Коркин // Орталық Қазақстан. - 2011. - 18 тамыз (№ 135). - 5 б.
Сембай М. Сабырлы Сайлау, көрегенді Коркин // Орталық Қазақстан. - 2012. - 21 тамыз
(№ 141). - 2 б., Егемен Қазақстан. - 2012. - 5 қыркүйек (№ 582/587). - 3 б.

11 сәуір 1937 Балқаш қаласының
құрылғанына 85 жыл

Балқаш көлінің жағасындағы ең ірі қалалардың бірі – Балқаш қаласы. Қала Қарағанды
қаласынан 380 км қашықтықта орналасқан. Қала 1937 жылы Прибалхашстрой кентінің
базасында құрылды. 1931 жылы Балқаш көлінің солтүстігінде 12 км жердегі Қоңырат мыс кен
орны мен Қарағанды көмірінің негізінде жұмыс істейтін ірі мыс қорыту зауытының
құрылысына байланысты салына бастады.
Балқаш еліміздегі түсті металлургияның ең маңызды орталығы. Мұнда құрамында мыс
және түсті прокат зауыттары, өндіріс газдарынан күкіртті натрий мен күкірт қышқылын алатын
химия өнеркәсібі бар «Балқашмыс» акционерлік қоғамы жұмыс істейді.Оның өнімдері бірнеше
шет елдерге шығарылады. 1928 жылы Балқаш қаласынан 12 шақырым жерден ашылған
Қоңырат, одан кейінгі жылдары табылған Саяқ пен Шатыркөл секілді кен орындары әлі күнге
дейін комбинаттың негізгі шикізат базасы болып табылады. 1976 жылы КСРО Министрлер
Кеңесінің шешімімен ерекше архитектуралық құрылысы мен үлгілі құрылымы үшін
мемлекеттік сыйлығы табыс етілді. Сонымен қатар қала, мыс алыбы – құрылысшылар қолымен
жасалған еңбек. Балқаш қаласы Қазақстандағы жас қалалардың бірі Балқаш қаласы
балықшыларының да қосқан үлесі аз емес. 1930 жылы көлде балық аулау өнеркәсібі басталды,
сол үшін арнайы 17 балық аулайтын артель құрылған болатын. 1943 жылы балық
консервасының бірінші партиясы шығарылды.
1952 жылы қаланың жаңа жобасын жасады. Ол бойынша Металлургтер мәдениет сарайы,
Қазбекова - Бейбітшілік, Бөкейханов көшелерін бойлай көпқабатты үйлер бой түзеді. 60-
жылдарың аяғында барактар жойылып, орнын темір бетонды тар бөлмелі үйлер басты, мөлтек
аудандар салынды. Соңғы құрылыстағы жаңалық «Мобиль» үлгісіндегі биік үйлер.
1966 жылы Балқаш кен-металлургия комбинаты Ленин орденімен марапатталды.
1967 жылы Лондондық Халықаралық Көрмесінде балқаштық мыс халықаралық мыс
эталоны болып танылды.
1987 жылы сәуірде Балқаш еңбеккерлерінің экономикалық-мәдени жетістіктері мен Ұлы
Отан соғысы жылдарындағы неміс басқыншыларына қарсы күрестегі ерен еңбегі үшін
Халықтар достығы орденімен марапатталды.
Балқаш кен-металлургиялық комбинаты «Самсунг» оңтүстік-корей фирмасының
басқаруындағы 2003 жылдан «Қазақмыс» корпорациясы ЖШС-нің қарамағына енді.
Бүгінде комбинатта заманауи жаңа технология, автогенді мыс балқыту игерілді. Мұндай
зауыт дүние жүзінде бес мемлекетте ғана бар.
Қазіргі уақытта бұл қала Қазақстандағы түсті металлургияның маңызды орталықтарының
бірі болып табылады. Мұнда өндірістік база, білім беру жүйесі, мәдениет, сауда, тамақтану
салалары дамып келеді.
Балқашта қалалық «Балқаш өңірі», «Северное Прибалхашье»газеттері шығарылады.

31