Н.В.Гоголь атындағы облыстық әмбебап ғылыми кітапханасында 2018 жылдың 14 қарашасында қазақ , орыс тілдерінде "Дауыстап оқу" акциясы өтті.

Акцияның мақсаты – кітап оқуды насихаттау, қазақ әдебиетін дәріптеу, қоғамның  кітап оқуға және Қазақстанның әдеби мұрасын зерттеуге қызығушылықтарын ояту, жас ұрпақтың патриоттық сезімін нығайту, интеллектуалды дәрежесін дамыту болатын.

Ағымдағы жылдың қараша айының 7 жұлдызында кітапхана және "Қарағанды облыстық тілдерді дамыту жөніндегі басқармасы" жанындағы "Ресурстық тіл орталығы" қызметкерлерінің бірлесіп ұйымдастыруымен ҚММУ жанынан құрылған Қарағанды медицина колледжінің "Медбике ісі" мамандығының 1 курс студенттерімен кездесіп  "Латын әліпбиі – болашаққа қадам" тақырыбында ақпараттық сағаты өткізілді.

5 қараша күні №92 гимназия ұстаздарына "Отансүйгіштік пен білімділік – моральдық құндылық" тақырыбында  абонемент бөлімі мен мерзімді басылымдар секторы кітапханашылары ақпараттық сағат өткізді. Кітаптар мен журналдардан көрме ұсынды. Ұстаздар қауымын екінші тоқсанның басталуымен құттықтап, "Ұлт тарихындағы ұлы белес"атты кітаппен және Иманғалиев Есенғазының "Жеке тұлғаны әлеуметтік-психологиялық болжау әдістері", Жұбанова Мүслиманың "Ұлттық тәрбие тағылымы", Сақтағанов Балабектің "Әскери педагогика", Аманжолов Керейханның "Қазақстанның әскери тарихы" атты еңбектері жайлы айта келіп, пән мұғалімдеріне "Әдістеме әлемінде", "Тәрбие жұмысы әдістемесі", "Қазақ әдебиетін оқыту әдістемесі", "Жаратылыстану негіздері және дүниетануды  оқыту әдістемесі" кітаптарын қарап шығуды өтінді. Сонымен қатар биылғы жылғы "Бір ел – бір кітап" акциясына тоқталып, Шәкәрім шығармашылығы жайлы айтып, Б.Момышұлының "Ұшқан ұя" және Н.Келімбетовтың "Үміт үзгім келмейді" шығармаларын оқуға шақырды .

Өнер туралы әдебиеттер бөлімі шақырады!

2018 жылдың 22 - қараша күні сағат 11.00-де кітапханамызда: "Ұлттық сахна өнерінің дарабозы" атты шығармашылық кеш өтеді. Аталмыш шара КСРО халық әртісі Қалибек (Қалыбек) Қуанышбаевтың туғанына 125 жылдық мерейтойына орай ұйымдастырылып отыр.

Қазан айында Ашық есік күні аясында кітапхана қызметкерлері стрит - мобы акциясын ұйымдастырды. Акцияда көпшілікке қойылған сұрақ: "Кітапханаға қалай өтуге болады?".

Кітапхана қызметкерлері 3 топқа бөлініп Кеншілер мәдениет сарайы, Орталық әмбебап дүкені және Гоголь көшесі бойында қала тұрғындарымен кездесіп, қаламыздағы кітапханалар туралы сұрақ қойып қайтты. Шараға қатысқандардың саны көз қуантып, көңіл марқайтты. Кездесуде қызметкерлерді тыңдаған 200-ге тарта тұрғындар белсенділік танытты. Қала тұрғындарының 140-тан астамы кітапханалардың қайда орналасқандары туралы дұрыс жауап берді. Н.В.Гоголь атындағы облыстық кітапхана, Абай атындағы облыстық балалар кітапханасы, Ж.Бектұров атындағы облыстық жасөспірімдер кітапханасы, М.Әуезов атындағы қалалық кітапханалары жайлы білетін болып шықты. Кітапхана туралы білмейтіндер және қызығушылықтары болмаған тұрғындар саны 43 болып табылса, 15 адам қала қонақтары болды (сондықтан да қызметкерлер сұрақтарына дұрыс жауап бере алмады). Қойылған сұраққа дұрыс жауап берген оқырман кітапхана сыйлығын алу мүмкіндігіне ие болды. Сыйлыққа 2018 жылы жарыққа шыққан қазақ және орыс тілдеріндегі кітаптар мен журналдар берілді.

Ай кітабы