Конституция - сыбайлас жемқорлыққа қарсы негізгі құқықтық құжат
| Қаралды: 8945
Қазақстан Республикасының Конституциясы - бұл біздің мемлекетіміздің Ата Заңы, ол жоғары заңды күшке ие, Қазақстанның бүкіл аумағында қолданылатын құжат. Конституция заңнамалық тұрғыдан анықталған негізгі нормативтік құқықтық актілердің арасында бірінші орында тұр. ҚР Конституциясының нормаларын талдау оның барлық негізгі ережелерінің сыбайлас жемқорлыққа қарсы іс-қимыл мәселелеріне тікелей қатысы бар екені сөзсіз. Сыбайлас жемқорлық мемлекеттің саяси және азаматтық институттарына теріс әсер етеді, елдің болашақ дамуына елеулі қауіп төндіреді. Конституцияны сыбайлас жемқорлыққа қарсы күрес бағдарламасы, негізгі құқықтық тетігі, базасы ретінде қарастыру қажет.
2023 жылғы 25 тамызда сағат 15.00-де Н. В.Гоголь атындағы облыстық әмбебап кітапханада Қазақстан Республикасы Бірінші Конституциясының 30 жылдығына арналған (28.01.1993 жыл) «Constitution as a basic Law of Republic of Kazakhstan» дөңгелек үстелі өтті.
Әлем суретшінің көзімен
| Қаралды: 8473
Ядролық сынақтардың тарихы – қасірет тарихы. 2000-нан астам ядролық сынақтардың құрбандары көбінесе халықтың ең осал топтары арасында болды. Ядролық сынақтардың жойқын зардаптары ұлттық шекарадан асып түседі және қоршаған ортаға, денсаулыққа, азық-түлік қауіпсіздігіне және экономикалық дамуға әсер етеді.
2009 жылы 2 желтоқсанда Біріккен Ұлттар Ұйымы Бас Ассамблеясының алпыс төртінші сессиясы 64/35 қарарын бірауыздан қабылдап, 29 тамызды Халықаралық ядролық сынақтарға қарсы іс-қимыл күні деп жариялады. Қарарда адамдарды «ядролық қаруды сынау жарылыстарының және кез келген басқа да ядролық жарылыстардың салдары туралы және ядролық қарудан азат әлем құру мақсатына жету құралдарының бірі ретінде оларды тоқтату қажеттілігі туралы» белсендірек оқыту мен хабардар етуді талап етеді. Қазақстан Республикасы 1991 жылы 29 тамызда Семей ядролық сынақ полигонының жабылуын атап өту мақсатында демеушілері мен авторлары көп бұл қаулыны қабылдау туралы бастама көтерді.
23 тамыз күні сағат 15-00-де Халықаралық ядролық сынақтарға қарсы іс-қимыл күніне орай Н.В. Гоголь атындағы облыстық әмбебап ғылыми кітапханада «Невада-Семей» антиядролық қозғалысының белсендісі, АТОМ жобасының Құрметті елшісі, Нобель сыйлығының үміткері, қылқалам шебері Кәріпбек Күйіковпен кездесу өтті.
Кеншілер күні
| Қаралды: 8512
Кеншілер күні - біздің өлкеміздің тарихы мен дәстүрлерін сіңірген сүйікті және ерекше мереке. Бұл - мерекені Қарағанды кеншілері 1948 жылғы 28 тамызда (кейбір деректерде 27 тамыз) алғаш рет атап өтті. Яғни биыл бұл мерекенің аталып өтуіне 75 жыл толып отыр.
Осыған орай, кеншілер тарихынан сыр шертетін «Кеншілер – Қарағандының жүрегі» атты диалог - кітап көрмесін тамашалаңыздар!
Диалог-кітап көрменің құрметті қонағы Қарағанды көмір өндірісінің ардагері, «Кенші даңқы» белгісінің толық иегері Алмас Сағынайұлы Рысқұлов.
«Жылдың үздік жас кітапханашысы — 2023» облыстық кәсіби шеберлік байқауы
| Қаралды: 10885
Бүгінгі күні жастардың қоғам өміріндегі рөлі күн өткен сайын маңызды болып келеді. Алдыңғы шепке серпінді, креативті, заманауи ой-пікірі бар жас кәсіпқой мамандар шығатын уақыт туды. Жақсы кәсіби дайындығы мен дұрыс ұйымдастырушылық қабілеті бар қызметкерлер кітапхана тағдырын анықтайды.
3 тамыз күні Қарағанды облысы мәдениет, архивтер және құжаттама басқармасының қолдауымен кітапханамызда «Жылдың үздік жас кітапханашысы — 2023» облыстық кәсіби шеберлік байқауы өтті.
Жылдың үздік жас кітапханашысы - 2023
| Қаралды: 10255
3 тамыз күні Н.В. Гоголь атындағы Қарағанды облыстық әмбебап кітапханасында «Жылдың үздік жас кітапханашысы — 2023» облыстық кәсіби шеберлік байқауы өтеді.
Байқау жеңімпазы «Жылдың үздік жас кітапханашысы - 2023» республикалық байқауының қатысушысы болады.
Аласұрдым арыстандай жүрекпен
| Қаралды: 10179
Биыл, ақын, журналист Базар Мамырдың туғанына 70 жыл толып отыр. Осыған орай сіздердің назарларыңызға «Аласұрдым арыстандай жүрекпен» атты поэзия-көрмесін ұсынамыз.
Тұғыры биік, тұлғасы зор ғалымдар
| Қаралды: 10374
Құрметті оқырман!
Кітапханамыздың өлкетану бөлімі әрдайым жергілікті тұлғаларды насихаттап, дәріптеп, өздеріңізге мәлім етіп отырады. Бүгінде жерлес ғалымдарымыз Жамбыл Ақылбаевтың туғанына 85 жыл, Сұлтан Досмағамбетовтың туғанына 95 жыл толуына орай «Тұғыры биік, тұлғасы зор ғалымдар» атты фото-көрме ұйымдастырды. Мақсаты – ғалымдардың ғылыми еңбектерімен, белгілі ақын-жазушылардың, журналистердің тұлғалар жайлы жазған шығармаларымен, құнды фотосуреттермен таныстыру.
Даламдай дархан пір тұлғам
| Қаралды: 10138
Құрметті оқырмандар!
Назарларыңызға ақын, ғұлама ойшыл, тарихшы, аудармашы, сазгер Шәкәрім Құдайбердіұлының туғанына 165 жыл толуына арналған «Даламдай дархан пір тұлғам» атты бейне шолуын ұсынамыз.
Фаренгейт бойынша 451 градус
| Қаралды: 10211
Құрметті оқырмандар!
«Фаренгейт бойынша 451 градус» кітабы америкалық жазушы, фантастика мен фэнтези жанрларының классигі болып табылатын Рэй Брэдбериге керемет танымалдылық әкелді.
Рэй Брэдберидің бұл шығармасы болашаққа жасалған көріпкелдік дей аламыз. Себебі, осыдан 70 жыл бұрын жазушы жаңа дәуір туатынын, ғаламды техниканың кереметі билеп, рухани байлықтың екінші орынға ығысатынын дәл болжаған еді.
Достар, назарларыңызға танымал автор Рэй Брэдберидің «Фаренгейт бойынша 451 градус» ғылыми-фантастикалық антиутопиялық романының жарық көруіне 70 жыл толуына орай арнайы дайындалған бейне-презентацияны ұсынамыз.
Таныс болыңыздар жаңа кітап!
| Қаралды: 9707
Кітап «Уа, дариға, заманым!» деп аталады. Авторлары – ағайынды Саққұлақ, Қосан Ыбырайымұлдары.
Арқа өңіріне ХХ ғасырда аса танымал болған Саққұлақ, Қосан Ыбырайымұлдарының соңында қалған жазбаларынан құрылған осынау кітапта өткен ғасырдағы бір әулет басынан кешкен ауыр тағдыр, бір әулет қана емес тұтас ел өткерген заман бейнесі бар.
Мұндағы өлең-жырлар ұрпақтарының қолында қолжазба араб қарпімен сақталған. Төте жазумен сақталған қолжазбаны қазақша сөйлеткен Ақтоғай ауданының тұрғыны, бірнеше қолжазбаларды қазақ тілінде аударған Айдаржан Қасенов болса, Редакциялау жұмысын жазушы, «Қасым» журналының Бас редакторы Серік Сағынтай атқарған.
Кітап төрт бөлімнен құрастырылған.
- Шежіре.
- Алла деп сөзді бастадым.
- Жүсіпханның басынан кешкендері.
- Хат жаздым қалам алып...
Құнды қолжазбаны жинақтап, құрастырған ақындардың ұрпағы Амандық Жәкетаев.
Осындай құнды кітапты біздің кітапхана қорына сыйлаған А.Жәкетаевқа алғысымызды білдіреміз.
Жаңа кітапқа ақ жол!. Оқырманы көп болсын!
