Қазақстанның тәуелсіздігі: тарих пен қазіргі заман
| Қаралды: 8331
13 желтоқсан күні кітапхананың оқу залдары бөлімінде Қазақстан Республикасының Тәуелсіздік күні қарсаңында «Қазақстанның тәуелсіздігі: тарих пен қазіргі заман» атты тарихи сағаты өтті.
Шараның мақсаты: Қазақстан Республикасының тарихи кезеңдері мен жеткен жетістіктерімен таныстыру. Тәуелсіздіктің мәнін терең ашып түсіндіру.
Аталмыш шараға Ә. Сағынов атындағы ҚарТУ – дың Қазақстан тарихы кафедрасының аға оқытушысы Ш. М. Теміржанова, С. Сейфуллин атындағы Қарағанды облыстық академиялық қазақ драма театрының жас актерлері, орыс тілі мен әдебиеті кафедрасының ұстаздары Б.К.Аязбаева, Ж.Ж.Ибраимова, С.М.Молғаждарова және Е. А. Бөкетов атындағы ҚарУ-дың экономика факультетінің студенттері қатысты.
Ел тәуелсіздігі: кеше және бүгін
| Қаралды: 8097
Кітапханамызда ұлық мерекеміздің аясында, тәуелсіздік жолында еліміздің жүріп өткен қадамдарына шолу жасау мақсатында оқырмандар назарына «Ел тәуелсіздігі: кеше және бүгін» атты кітап көрмесі ұйымдастырылды. Кітап көрмесінде 1986 жылғы желтоқсандағы оқиғалардан бастап, бүгінгі күнге дейін Тәуелсіз Қазақстанның қалыптасу жолы туралы материалдар ұсынылды.
Төле би
| Қаралды: 8146
Қазақ тарихында шешендігімен, тапқыр шешімі арқылы әділдігімен көзге түскен бидердің ел тарихындағы алар орны ерекше. Олардың бірегейі Төле би Әлібекұлы - қазақтың аса ірі қоғам қайраткері, қазақтың әдет-ғұрып заңдарының тәртібі мен ережелерінің кодексі - «Жеті Жарғы» заңдар жинағы авторларының бірі, шешен, 17-18 ғасырларда билік еткен билеуші, дана бидің 360 жылдығына арналған “Қазақ даласының ұлы биі” атты бейнешолуын назарларыңызға ұсынамыз!
Ғасырдың қасіретті дерті
| Қаралды: 8150
Дүниежүзілік ЖҚТБ-мен күрес күніне орай кітапханамызда «Адамзатқа төнген қауіпті дерт» тақырыбында ақпараттық сағат өтті.
Мақсаты: Салауатты өмір салтын қалыптастыру, жас ұрпақты адамгершілікке, жастардың қажетті білімдері мен дағдыларын қалыптастыру.
Шараға «№61 ЖББМ» мектебі директорының тәрбие ісі жөніндегі орынбасары А.С.Уразалина және Қарағанды облыстық жоғары мейіргерлік колледжінің 1 курс студенттері қатысты.
Шара барысында А.С.Уразалина жастарға әлемді алаңдатып отырған нашақорлық, арақ, темекі сияқты зиянды әрекеттердің белең алып бара жатқандығына тоқталып. Жастарға жаман әдеттерден аулақ болып, спортпен айналысып, денсаулыққа зор мән беруге шақырды. «Ғасыр дерті» атты бейнеролик көрсетіліп, ЖҚТБ/АҚТҚ профилактикасы туралы мағлұмат беріліп, студенттер мен дәріскер арасында сұрақ-жауап түрінде сұхбат өткізілді. АИТВ/ЖИТС, жұғу жолдары және инфекцияның алдын алу жолдары туралы ақпарат берді.
Әлем мойындаған Ұлы Дала Ғұламасы
| Қаралды: 7502
Н.В. Гоголь атындағы ҚОӘҒК мен Ә.Сағынов атындағы ҚарТУ «Тарих кафедрасы» ұйымдастыруымен физика ғылымдарының докторы, профессор, «Ғасыр адамы» Темірғали Әбілдаұлы Көкетаевтың 85 жылдық мерейтойына арналған «Әлем мойындаған Ұлы Дала Ғұламасы» атты сторителлинг өтті. (сторителлинг - оқиға арқылы ақпарат жеткізу әдісі)
Іс-шараның мақсаты: Саналы ғұмырын ғылымға арнаған Т. Көкетаевтың еңбегін, еліміздің дамуына қосқан үлесін жастарға үлгі ету. Отанын сүюге тәрбиелеу. Жастарды білімді болуға шақыру.
Темірғали Көкетаев - әлемде бұрын-сонды болмаған жаңалық жасаған ғұлама, физика-математика ғылымдарының докторы, профессор. Физика ғылымына сіңірген еңбегі үшін «Ғасыр адамы» атағы беріліп, өзі 25 жыл айналысқан «Қатты дененің абсолюттік спектроскопиясы» еңбегін Халықаралық биографиялық орталық тізімге алған ғалым, Оксфордта дәріс оқыған алғашқы қазақ.
Библиопресс
| Қаралды: 6901
Құрметті оқырман! Назарларыңызға «Кітап патшалығы» кәсіби журналының №2 санына «Библиопресс» анонсын ұсынамыз.
«Кітапхана ісін дамыту стратегиясы: жаңа идеялар мен мүмкіндіктер» атты VІIІ облыстық кеңейтілген семинар
| Қаралды: 7929
23 қарашада Қарағанды облысының мәдениет, архивтер және құжаттама басқармасының қолдауымен Н.В. Гоголь атындағы Қарағанды облыстық әмбебап ғылыми кітапханасында «Кітапхана ісін дамыту стратегиясы: жаңа идеялар мен мүмкіндіктер» атты VІIІ облыстық кеңейтілген семинар өтті.
Cеминар гибрид форматта (офлайн және онлайн) өтті.
Семинардың мақсаты:
- Облыс кітапханаларының даму стратегиясын анықтау.
- Кітапхана кадрларын кәсіби қолдау және шығармашылық әлеуетті дамыту.
- Халықаралық және өңіраралық кітапханалық ынтымақтастықты дамыту.
Атап айту керек, семинар жоғары кәсіби деңгейде өтті, оған спикерлердің әсерлі аналитикалық баяндамалары және кітапханашылардың кәсіби диалогқа белсенді қатысуы ықпал етті.
Сахна тарланы
| Қаралды: 6976
Биыл өңіріміздің ең ірі өнер ордасы С.Сейфуллин атындағы Қарағанды облыстық академиялық қазақ драма театрында елуден астам жыл еңбек еткен, Қазақстанның еңбек сіңірген әртісі Кеңес Жұмабековтың 75 жылдық мерейтойы аталып өтілуде. Осыған орай кітапханамыздың оқу залында «Сахна тарланы» бенефисі өтті.
Өнер сүйер қауымды актер-драматург, сахна саңлағы Кеңес Нарымбайұлының өнердегі өнегелі өмірі мен шығармашылығымен таныстыру мақсатында өткен бұл шара ашық алаң форматында өтті.
ЖАҢА КІТАП ТАНЫСТЫРЫЛДЫ
| Қаралды: 7045
Кітапханада сегіз қырлы, бір сырлы, қайраткерлігі елге аян, ағартушылығын халқы қастерлеген Қуаныш Мақсұтовтың «AlphaPrint» баспасынан жарық көрген «ҚҰТ» кітабының таныстырылымы өтті.
Заманауи жетістіктер қолданылған жаңа кітапта ақынның поэзиясы, бардтық туындылары, шансондары, көсемсөздері топтастырылған. Кітапта көрсетілген QR-кодтар арқылы музыкалық туындыларды тыңдап, Қ. Мақсұтовтың YouTube арнасындағы мәліметтермен танысуға болатын ерекшелігі бар.
Ашық диалог форматында өткен кеште оқырман қауым жаңа кітаппен танысып, көңілдерінде жүрген көкейкесті сұрақтарына жауаптарын алып, өлеңдерін оқып, ән мен күй тыңдады. Фото-кітап көрмесін тамашалады.
Бізде жаңа кітап!
| Қаралды: 7489
Есімі өз дәуірімен бірге аталатын және өзі ғұмыр кешкен кезеңмен бір ұғым, бір құбылыс болып кететін тұлғалар болады ғой. Бізге сыйға тартылған осы кітап кейіпкері сондай Тұлғаға, Шырақбек Қабылбаев құрметіне арналған.
Заң ғылымдарының кандидаты, профессор, запастағы полиция генерал-майоры, Шет ауданының Құрметті азаматы Мирлан Ахмедияұлы Қызылов кітапхана қорына өзінің 2023 жылы «Алгорифм» баспасынан жарық көрген «Министр Қабылбаев» атты жаңа кітабын сыйға тартты.
