Ән-жырым саған, Қарағанды!
| Қаралды: 7537
Сарыарқа төріндегі кеншілер шаһарының іргетасы қаланғанына бүгінде 90 жыл толып отыр! Осыған орай кітапханамызда «Ән-жырым саған, Қарағанды!» атты арт-кездесу өтті.
Кешіміздің басты мақсаты: Сарыарқаның іргелі рухани орталықтарының бірі ретінде жас ұрпақты мәдениет пен өнерге баулу, Халқымыздың бойына ұлттық құндылықтарды сіңіріп, жалпы адамзаттық құндылықтарды өзара ұштастыра алатын ұлтжанды тұлғаны тәрбиелеу.
Туған күніңмен, Қарағандым!
| Қаралды: 7699
Кітапханада сүйікті қаламыз Қарағандының 90 жылдық мерейтойына орай «Туған күніңмен, Қарағандым!» атты инсталляция - кітап көрмесінің ашылуы өтті.
Үлкен тарихы бар кеншілер қаласына арналған бұл көрмеден оқырман қауымҚарағанды қаласының тарихынан, мәдениеті мен өнерінен т. б. тақырыптарда сыр шертетін кітаптардың көрмесін, Қарағанды қаласы жайында салынған суретшілердің суреті бойынша «Тірі сурет» көрмесін, қаланың заманауи өмірі мен сәулет құрылысын көрсететін «Қарағанды замандастарының назарында» атты фотокөрмесін тамашалады. Ерекше инсталляция - кітап көрмесінің салтанатын Н.В. Гоголь атындағы ҚОӘҒК басшысы А.С. Шаймуханбетова ашып, құттықтау сөз сөйледі.
Қарағанды шаһарына 90 жыл
| Қаралды: 8535
Биыл, 10 ақпанда кеншілер астанасы Қарағанды шаһарына 90 жыл толады.
Қарағанды қаласы – Қазақстанның экономикасы мен өнеркәсіп саласында, индустриалды-инновациялық өндірістің дамуында маңызды қала болып табылады. Теміржол мен әуе жолының аса маңызды торабы, ғылымы мен мәдениеті дамыған қала, көптеген туристік-экскурсиялық желістердің қайнаған ортасы.
Шаһар тарихынан қысқаша мәлімет: Қарағандының 191 жылдық тарихы бар. Қараған көп өсетіндіктен қала «Қарағанды» деп аталған. Бұл жерден 1833 жылы Байжанов Аппақ тас көмір тапқан. Өтепов деген бай Қарағанды өңірін Н. Ушаковқа 250 сомға сатқан. Орыс кен кәсіпкерлері Ушаков пен Рязанов 1856 жылдан бастап Қарағандыдан көмір өндіре бастайды. Өндірілген көмір Спасск мыс қорыту зауытына тасылып тұрған.
«Бір ел - бір кітап» акциясы
| Қаралды: 9343
Балалар жазушысы Б.Соқпақбаевтың туғанына 100 жыл
Биыл «Бір ел - бір кітап» акциясы аясында қазақ прозасына өзгеше өрнек, ғажайып сыр-сипат әкелген көрнекті қазақ жазушысы, балалар әдебиетінің классигі, 2024 жылы 100 жылдығы ЮНЕСКО көлемінде аталып өтілетін Бердібек Соқпақбаевтың шығармаларын оқуға ұсынылды.
«Бір ел - бір кітап» республикалық акциясы елімізде 2007 жылдан бастап ҚР Мәдениет және спорт министрлігінің қолдауымен Қазақстан Республикасының Ұлттық Академиялық Кітапханасы мен ҚР кітапханалар қауымдастығының бастамасымен өткізіліп келеді.
Акцияның мақсаты – ұлттық әдебиетіміздегі ең үздік туындыларды оқу және насихаттау, оқу ісін ілгерілету, рухани мұрамызды сақтау, сондай-ақ жастарға рухани-адамгершілік және патриоттық тәрбие беруге бағытталған.
Қазақтың Қанышы
| Қаралды: 6620
Оқырмандар назарына!
Кітапханада геолог-ғалым, профессор, академик Қаныш Сәтбаевтың 125 жылдығына арналған Қарағанды өңірінің колледж студенттерінің арасында «ҚАЗАҚТЫҢ ҚАНЫШЫ» атты облыстық зияткерлік ойын өтеді.
Ойынның ЕРЕЖЕСІМЕН таныс болыңыздар!
Оқырман жаңа кітаппен танысты
| Қаралды: 6886
Қазақ руханиятынан өзіндік орынын ойып тұрып алған белгілі журналист, шежіреші, этнограф - жазушы, өлкетанушы, ҚР Мәдениет қайраткері, Қарағанды облысының Құрметті азаматы Төрехан Майбастың 70 жылдық мерейтойы аясында өңірімізде қаламгердің шығармашылығына арналған мәдениет, білім беру мекемелерінде рухани іс-шаралар өз деңгейінде өтіп жатыр. Осындай игі шара жалғасы ретінде сөз өнерінің жілігін шағып, майын ішкен Төрехан Әкімжанұлының Алматы қаласының «Алгорифм» баспасынан 500 данамен жарыққа шыққан «Алжыған ғасыр» кітабының таныстырылымы өтті.
Рухани кештің беташар сөзін Қарағанды облысының мәдениет, архивтер және құжаттама басқармасы басшысының орынбасары Е.М. Нелдібаев ашып, жазушының 70 жас мерейтойымен құттықтап, иығына шапан жапты.
Ұлттық рухтың шырақшысы
| Қаралды: 6763
Бүгінде 90 жылдық мерейтойын атап өтіп отырған «Қазақ әдебиеті» газетінің алғаш құрылғандағы мақсаты қазақ әдебиетін насихаттау, әдебиетті жұртшылыққа таныту болды.
«Қазақ әдебиеті» – ана дәуірде де, бүгінгі Тәуелсіздік дәуірінде де қазақ көркем сөзінің өсуі мен өркендеуіне барынша ықпал жасаушы, Республикадағы бірден – бір қарымы мықты басылым.
«Қазақ әдебиеті» газетінің ұзақ жылдардағы тарихына өрлегенде, бізге мәлім шежіресінде оның жұртшылық ықыласына бөленгені, елдің көңіліндегі армандар мен мүдделерді дәл тауып айтқан, проблемалық мақалалар көтере білген басылым екендігіне көз жеткіземіз. Сонымен қатар газетің әр санынан қоғамдық өмір, саясат, әдебиет пен өнер, ұлттық салт - дәстүр тақырыбын оқи аламыз. Газетті оқи отырып оның бүгінгі таңда үлкен жетістікке жеткенін көреміз.
«Қазақ әдебиеті» газетінің тойы – жалпы, қазақ әдебиетінің, қазақ мәдениетінің, ұлт руханиятының тойы, ел - жұртымыздың еңселі биігі.
Құрметті оқырман «Ұлттық рухтың шырақшысы» атты библиографиялық жадынаманы назарларыңызға ұсынамыз.
Жадынама көпшілік оқырмандарға арналаған.
2024 жылғы «Қарағанды хронографы: «Оқиғалар мен есімдер» онлайн-күнтізбесі
| Қаралды: 7199
Құрметті оқырмандар! Өңіріміздің оқиғалары мен тамаша адамдары туралы қысқаша ақпарат беретін, біз «Қарағанды хронографы: «Оқиғалар мен есімдер» атты жобасын жалғастырамыз. 2024 жылдан бастап Хронограф қазақ тілінде жарияланатын болады. Хронографта ұсынылған ақпарат арқылы ғаламдық желіде өлкетанулық контент толықтырылады. 2024 ж. хронографында өңіріміздің әйгілі тұлғалардың қысқаша өмірбаяндары мен атаулы оқиғалары ұсынылады. Біздің күнтізбеміз бұрынғыдай ай сайын жарияланады және бірінші шығарылым қаңтар айының оқиғалары мен есімдеріне арналған.
2023 жылғы жұмыс қорытындысы және кітапханалық мәселелерді талқылау
| Қаралды: 6970
10 қантар күні Н.В. Гоголь атындағы облыстық кітапхана базасында Қарағанды облысы кітапханаларының 2023 жылғы жұмыс қорытындысы және кітапханалық мәселелерді талқылау мақсатында Қарағанды облысының мәдениет, архивтер және құжаттама басқармасының мәдениет және өнер бөлімінің басшысы Қ.Т. Ашкеев, облыстық кітапханалардың және қалалық, аудандық ОКЖ басшыларының қатысуымен дөңгелек үстел ұйымдастырылды.
Отырыс барысында тұрғындарды кітапханалық қызметпен қамтамасыз ету, кітап қорын толықтыру, кітапханалардың ғимарат жағдайы, сайт мәселесі, ОКЖ-дың кәсіби біліктілігін көтеру, қаражат бөлу мәселелері және оны тиімді жұмсау сұрақтары, сонымен қатар 2024 ж. арналған жылдық жоспарлары талқыланды.
Поэзия тербетеді жүрегімді...
| Қаралды: 8014
Құрметті кітап сүйер қауым! Назарларыңызға қазақ әдебиетінің көрнекті ақыны, халық жазушысы, Мемлекеттік сыйлықтың иегері Қалижан Нұрқожаұлы Бекхожиннің 110 жылдығына арналған «Поэзия тербетеді жүрегімді..» атты бейне презентацияны ұсынамыз!
