Балаларға базарлық
| Қаралды: 16615
3 маусым күні кітапханамыздың көпшілік оқырмандарға қызмет көрсету секторы "Кітапханадағы жаз" акциясы аясында балаларға арналған "Менің Отаным – Қазақстан" тақырыбында шара өткізді.
Шараның мақсаты – Қазақстан картасымен таныстырып, ондағы ірі елді мекендер жайлы ақпарат беру, жас өрендердің ойлау және сөйлеу дағдыларын дамытып, кітап оқуға деген қызығушылықтарын ояту.
Балалар еліміздегі елді мекендер жайлы, туған жер табиғаты, өздері туып өскен қалалары туралы ерекше мақтанышпен әңгімелеу арқылы өздерінің Отанға деген патриоттық сезімдерін көрсете білді.
Қыран қанатты ақын
| Қаралды: 17480
Құрметті оқырмандар! Дауылпаз ақын, жерлесіміз Қасым Аманжоловтың кітапханамыздағы «Қыран қанатты ақын» шағын сайты жаңа деректермен толықты.
Өздеріңізге белгілі Қасым ақын 1931-1936 жылдары тарихы терең Орал қаласында өткізеді. Жиырма жасар Қасым әскери борышын атқара жүріп, «Екпінді құрылыс» газетінің редакциясына өлеңдерін жариялаған. Кейін сол «Екпінді құрылыс» газетіне қызметке орналасады.
Қ. Аманжоловтың ақын, азамат болып қалыптасуына Орал қаласы үлкен әсер етті. Осы қалада ол ең алғашқы махаббат, жастық жырларын жазды. 1935 жылы әскер қызметінен босасымен Қасым Оралдың театр труппасын ұйымдастырып, өзі көркем басқарушысы болады. Бұл труппа тез өсіп, аз уақыт ішінде театр болып құрылды. Мұндағы ақынның еңбегі өте зор болды. Осы кездері Қ.Аманжоловтың ақындық, әншілік, артистік таланты жұртшылыққа танылды.
Құрметті оқырман назарларыңызға Батыс Қазақстан облысы мемлекеттік архивінен алынған «Екпінді құрылыс» газетінің 1934-1936 жылдардағы ақынның латын әліпбиінде жазылған өлеңдерін ұсынамыз!
Жыр төгеді жүрегі: жазушы Софы Сматаевтың 80 жылдығына арналған библиографиялық жадынама
| Қаралды: 16415
Қай кезеңде болсын жақсылыққа үн қосып, ізгілікке ұмтылу – адам баласының азаматтық борышы, адамдық парызы болған. Міне, осындай аманатты арқалап, елдік мүддені басты назарда ұстап келе жатқан өзінің «Елім-ай» тарихи роман-трилогиясымен, философ боп тереңдеп, қаламгер боп тебіренген жүрегінің сыры мен жырын ақтарған ой-пікірге толы «Мұңлы ойлар» кітабымен қазақ әдебиетінің көгіне құбылыс болып көтерілген қарымы күшті қаламгер, атақты жазушы, белгілі қоғам қайраткері Софы Сматаев бүгінде мерейлі 80 жасқа толуда.
Софы Сматаев өзінің қалың оқырманына тосын идеяларымен түрлі жанрда қалам тербеп жүрген еңбекқор жазушы. Ендеше, оқырмандары жазғандарын іздеп оқитын қаламгердің ғұмырбаяны мен шығармашылығына арналған «Жыр төгеді жүрегі» библиографиялық жадынамасын назарларыңызға ұсынамыз.
Жадынама көпшілік оқырманға арналған.
Құрметті оқырмандар!
| Қаралды: 16471
2021 жылдың 1 маусымынан бастап Абонемент бөлімінің кітап қорына тексеріс жүргізіледі. Осыған байланысты бөлім оқырмандармен ағымдағы жылдың 1 маусымынан 31 тамызына дейін жұмыс істемейді. Қолыңыздағы кітапты қайтаруды кітапхананың 1 қабатында дүйсенбіден жұмаға дейін 9:00-ден 19:00-ге дейін қайтаруға болады.
Уақытша қолайсыздық үшін кешірім сұраймыз!
Сиқырлы музыка
| Қаралды: 17554
Құрметті оқырмандар, сіздердің назарларыңызға «Балаларға базарлық» циклі бойынша ақын Тілеуғазы Бейсембектің «Сиқырлы музыка» туындысын ұсынамыз.
Ыбырай Жақаевтың "Қанатты сөздер" кітабына жарнама
| Қаралды: 17648
Үздік кітапханашы
| Қаралды: 17560
Бүгін, 2021 жылғы 19 мамыр күні Қазақстан Республикасының мәдениет және өнер қызметкерлерінің кәсіби мерекесі қарсаңында кітапханамыздың өлкетану бөлімінің басшысы, кітапхана ісінің шебері Сандуғаш Орынбайқызы Телпекбаева облыстың және еліміздің кітапхана ісін дамытудағы мінсіз жұмысы, кітапхана саласын жетілдірудегі қосқан үлесі және инновациялық жұмысы үшін Қарағанды облысы әкімінің жыл сайынғы сыйлығының «Үздік кітапханашы» номинациясының иегері атанды.
Кез-келген адам өміріндегі мұндай сәт жүрек толқытар және есте қаларлық, осы деңгейдегі марапаттар жоғары кәсібилікті растай отыра, жеке тұлға ретінде қалыптасудың көрінісін, сондай-ақ өмір жолының жемісті кезеңдерін бейнелейді.
Ақыл – ойдың айсбергі
| Қаралды: 17733
Ойшыл оқырмандар мен поэзияның талғампаздары үшін кітапханамызда ақын, публицист, қоғам қайраткері, Қазақстанның халық жазушысы Олжас Сүлейменовтің туғанына 85 жыл толуына орай «Ақыл – ойдың айсбергі» атты кітап көрмесі ұйымдастырылды.
Көрмеде ақынның өмірбаяны, шығармашылық және қоғамдық-саяси қызметінің негізгі кезеңдерінен тұратын кітаптар мен фотосуреттер ұсынылды. Ақын туындыларының орыс тілінде жарыққа шыққандары да осы көрмеден табылады. 1961 жыл жас талапкер үшін әдеби ғарышқа самғау жылы болды. «Арғымақтар» және «Адамға табын, жер, енді» атты жинақтары жарық көріп, бүкіл жұртты елең еткізді. Қай тақырыпта сөз қозғаса да, Олжас туындылары өткір тартысқа құрылып отырады. Осыдан келіп ақынның биік азаматтық үні, белсенді позициясы анық байқалады. Өзіндік асқақтық, шынайылық, сезім астасуы, ойнақылыққа ойыса білу, т.б. ерекшеліктерімен көзге түседі. «Біз жаңаша өлең жазуды Олжастан үйрендік» дейді - Сергей Марков.
Тарихи тұлғалар жайлы сыр шертетін кітаптарға шолу
| Қаралды: 18216
Әлия - батыр қызы сен халқымның...
| Қаралды: 19389
Ұлы Отан соғысында жауқазын ғұмыры қиылған қазақтың батыр қызы Әлия Молдағұлова (1925 – 1944) рухына арнап көше аты да берілді, ескерткіш те қойылды, өлең де жазылды. Ал, қаһарман қызға жасалған тағзымдардың ішіндегі ең ерекшесі Сейдолла Бәйтеректің «Әлия» әні.
«Әлия» әні дүниеге 1975 жылы келген. Көзі тірісінде сазгер былай деген екен: «Ән ойымда біраз жүрді. Күрделі әуен жадымды баурай жөнелді. Басында ыңылдап қана жүрдім. Бірде Бәкір Тәжібаевтың жыр жинағын қолыма алып, аша бергенім мұң екен, көзіме ақынның Әлия Молдағұловаға арналған өлең жолдары түсті. Жадымда жүрген әуенге салып едім, құйып қойғандай дәл келді. Бұл ән арнау емес, бұл ән – жоқтау. Балғын қыздың ерлігін ұлықтау, ел жадында қалдыру үшін осындай ән қажет – ақ».
