Зерек бала
| Қаралды: 19052
Құрметті оқырмандар!
Назарларыңызға ақын, Қазақстан Жазушылар одағының мүшесі, композитор Тілеуғазы Рымбекұлы Бейсембектің «Балаларға базарлық» жобасы аясында жарық көрген «Зерек бала» кітабының таныстырылымын ұсынамыз.
https://drive.google.com/file/d/1tEpRrU2nBXxsQsjBBS2SHSzO6xwjGmoC/view?usp=sharing
Алғыс айту күні
| Қаралды: 16571
Бүгін 1 наурыз – «Алғыс айту» күніне орай кітапхана ұжымының жас қызметкерлері Теміртау қаласының «Қысқы бақ» көрінісін тамашалауға барды. Бақтан түрлі құстар мен әр түрлі экзотикалық ағаштарды, қояндардың ерекше түрлерін көрдік, бұл бақта еліміздің тұңғыш ғарышкері Т.Әубәкіров отырғызған кипарис, Т.Мұсабаев отырғызған олеандр, тағы басқа да белгілі тұлғалар еккен бірнеше өсімдіктер түрлері бар екен. Қазіргі кезде бақтан планетаның шөлді аумақтары мен тропикалық және субтропикалық елдерінде ғана өсетін 120 өсімдікті кездестіруге болады.
Ахмет Байтұрсынұлы - қазақ халқының рухани көсемі
| Қаралды: 16919
Ахмет Байтұрсынұлының 150 жылдық мерейтойы аясында 24 ақпан күні Н.В.Гоголь атындағы Қарағанды облыстық әмбебап ғылыми кітапхана қабырғасында, Қазақстан халқы Ассамблеясымен бірлесіп «Қазақ халқының рухани көсемі» атты дөңгелек үстел өтті.
Мақсаты – қазақ халқының әлеуметтік, саяси, мәдени , тарихи өмірінде орны айрықша зор тұлға - Ахмет Байтұрсынұлының халықтық тәлім-тәрбиелік ойларының негізінде оқырмандар бойына адамгершілік, ұлтжандылық, отансүйгіштік қасиеттерді дарыту; ақын, қоғам қайраткері, педагог-ұстаздың құнды мұраларын дәріптеп, жас ұрпақты ұлттық рухта тәрбиелеу.
Сөз құдіреттің данасы
| Қаралды: 16784
Бүгін, кітапхананың көпшілік оқырмандарға қызмет көрсету секторы №27 жалпы білім беретін орта мектептің 3-сынып оқушыларына қазақ ағартушысы, қоғам және мемлекет қайраткері, ақын, ғалым Ахмет Байтұрсынұлының туғанына 150 жыл толуына орай «Сөз құдіреттің данасы» атты ақпараттық сағат өткізді.
2022 жыл - Балалар жылы
| Қаралды: 23554
2022 жыл елімізде «Балалар жылы» деп жарияланды. Мемлекет басшысы Қасым-Жомарт Тоқаев: «...Балаларға ерекше назар аудару керек. Себебі, олардың амандығы – мемлекетіміздің жарқын болашағының сенімді кепілі. Сол себепті келесі жылды «Балалар жылы» деп жариялау керек деп есептеймін»,- деп Қазақстан халқын Жаңа жыл мерекесімен құттықтау сөзінде айтты.
«...Ең алдымен, билік тарапынан балаларды қорғау үшін денсаулық сақтау, білім беру, әлеуметтік қолдау бағытында нақты шаралар қолға алынуы керек. Өскелең ұрпақтың үйлесімді дамуы мен бақытты балалық шағы – біздің жалпыұлттық міндетіміз - дейді Қасым-Жомарт Тоқаев.
Осыған орай Мәдениет және спорт министрлігінің былтырғы бастамасы – «Балалар әдебиеті жылы» биыл да жалғасын тауып отыр.
Кітапханамызда ұлттық құндылықтарды жаңғырту, дәріптеу, ел руханиятын көтерген тұлғалардың тағылымды шығармашылығымен таныстыру және «2022 – Балалар жылына» орай балаларға арналған әдебиеттерді насихаттау мақсатында кешенді жоспар әзірленді.
Қазақ сахнасының Ақтоқтысы
| Қаралды: 19364
Кеше кітапханамыздың базасында ZOOM платформасында сахна саңлағы, жерлесіміз, Қарқаралы ауданы, Милыбұлақ ауылының тумасы, көрнекті актриса ҚазКСР және КСРО-ның халық әртісі, ҚР Мемлекеттік сыйлығының лауреаты, ұлағатты ұстаз, профессор Шолпан Исабекқызы Жандарбекованың 100 жылдық мерейтойы аясында Т.Жүргенов атындағы Қазақ Ұлттық Өнер Академиясының «Театр өнері» факультетінің ұйымдастыруымен «Қазақ сахнасының Ақтоқтысы» атты дөңгелек үстел өтті.
Болашаққа бағдарды тарихымыздан табамыз
| Қаралды: 18712
17 ақпан күні «Парасат жолы» орталығында Е.А. Бөкетов атындағы Қарағанды университеті филология факультетінің аға оқытушысы Жұмагелді Жанайдар Шаймерденұлымен кездесу өтті.
Қонағымыздың «Парасаттылық – адам бойындағы туа біткен мінез бен бара-бара пайда болатын мінездің әдемі тоғысуынан қалыптасатын қасиет. Парасатты адамның тәрбиеленуі балалық шақта тұлғалық өсуінен басталады» деген ойы тәрбие мен мінез-құлықтың адамның негізгі бет алысын сипаттайтын қасиет екенін тағы бір айқындады.
Ахмет Байтұрсынұлы – ұлттың рухани көсемі
| Қаралды: 20062
Назарларыңызға мемлекет қайраткері, қазақ тіл білімі мен әдебиеттану ғылымдарының негізін салушы, ұлттық жазудың реформаторы, ағартушы ғалым - Ахмет Байтұрсынұлының туғанына 150 жыл толуына орай - «Ахмет Байтұрсынұлы – ұлттың рухани көсемі» атты бейнешолуын ұсынамыз.
Адалдық алаңындағы ерекше кездесу
| Қаралды: 19720
«Парасат жолы» орталығы ашылғалы бері кітапхана оқырмандары мен қызметкерлері қызықты кездесулердің куәсі болуда. Соның бірі – С.Сейфуллин атындағы облыстық қазақ драма театрының актеры, режиссёрі Киекбаев Бекмұхамед Мұқатайұлымен өткен кездесу. Әсерлі кездесу көптеген жанның ойындағы сұрақтарына жауап беріп қана қоймай, өмірге деген көзқарастарының өзгеруіне де септігін тигізе алды деп ойлаймыз.
Қаламыздағы қазақ театрының көрерменіне Бекмұхамед Мұқатайұлының есімі етене таныс. Көптеген жастардың қонағымызды Бек ағай деп атайтыны да осы тұста белгілі болды.
АРТ-МАРАФОН
| Қаралды: 18214
Қатысуға асығыңыздар!
Егер Сіз кез-келген материалдан әртүрлі техникада авторлық қуыршақ жасай алсаңыз - бұл МАРАФОН СІЗ үшін!
7 ақпаннан 12 наурызға дейін өтетін сайыстың шарттары төмендегідей:
- Сүйікті әлеуметтік желіңізде немесе Youtube сервисінде #mirkukol_krg#quirshaq_krg#karlib_kz хэштегтерімен жасаған бұйымның (қуыршақтың) әр түрлі қырынан түсірген фотосын және дайындау процесінің бейнетүсірілімін жариялау;
- Бұйымның (қуыршақтың) және пайдаланылған материалдардың қысқаша сипаттамасын жазу;
- Аты-жөніңіз бен жасыңызды көрсетіңіз.
АРТ-МАРАФОННЫҢ қорытындысы 2022 жылдың 16 наурызында шығарылады.
Марафон нәтижелері кітапхананың сайтында және Instagram, Facebook әлеуметтік желілерінде жарияланады.
Қуыршақтар әлеміне бірге сапар шегейік!
