Қара сөздің хас шебері» атты әдеби - сазды кеш
| Қаралды: 16065
Биыл заманымыздың заңғар жазушысы, академик, драматург, ғалым, қоғам қайраткері Мұхтар Әуезовтің 125 жылдық мерейтойы.
Осыған орай кітапханамызда 27 қыркүйек күні Мұхтар Әуезовтің өмірі мен шығармашылығымен таныстыру, жазушының артында қалған мол мұрасын зерделеп, шығармашылығын кеңінен насихаттау, заңғар жазушыны құрметтеуге, елін жерін, әдебиетті сүюге тәрбиелеу мақсатында «Қара сөздің хас шебері» атты әдеби - сазды кеш өтті.
Дәуірдің жарық жұлдызы
| Қаралды: 16038
22 қыркүйек күні кітапханамызда мерейтойы ЮНЕСКО көлемінде тойланып жатқан алаштың арысы, ақын, аудармашы, қоғам қайраткері, ұлтымыздың рухани көсемі Ахмет Байтұрсынұлының туғанына 150 жыл толуына арналған "Дәуірдің жарық жұлдызы" атты әдеби-тарихи кеш өтті.
Әдеби-тарихи кешке Е.А. Бөкетов атындағы Қарағанды университетінің "Тұлғатану" пәнаралық ғылыми-зерттеу орталығының басшысы, т.ғ.к., доцент, профессор Н.А. Бейсембекова, т.ғ.к., доцент, профессор Л.Қ. Шотбакова, тарих ғылымының доценті, профессор Г.М. Смагулова, тарих ғылымының, доценті, профессор Б.Т. Төлеуова және де тарих факультетінің аға оқытушысы, доцент Н.Б.Смағұловтар сөз сөйлеп, Ахмет Байтұрсынұлының саяси қызмет жолы мен қазақ тіліне қосқан үлесі жайында, шығармашылық мұрасы туралы тың мәліметтермен бөлісті.
KitapTime-2022
| Қаралды: 16028
23 қыркүйек күні сағат 11.00-де Қарағанды облысының кітапханалары Қазақстанның барлық өңірлерімен бірге алғашқы жалпы республикалық «KitapTime-2022» кітап фестивалін өткізді.
Мәдениет және спорт министрлігінің қолдауымен Ұлттық академиялық кітапхананың бастамасымен ұйымдастырылған бұл шара көпшіліктің көңілінен шығып, нағыз Кітап мерекесіне айналды.
Қарағанды академиялық музыкалық комедия театры алаңына фестивальға қатысу үшін 150-ден астам адам жиналды. Мерекелік алаңды «Оқуға ұсынамыз!» атты Әдеби киіз үйлері, «Қасым Баспа Үйі» және «Cocobee» сауда дүкендері ұйымдастырған «Мені өзіңмен ала кет!» кітап шопингі алаңдары ажарландырды. Жиылған қауымға шеберлік сыныптар өткізіліп, суретке түсу алаңдары жұмыс жасады.
ӘН ПЕРІШТЕСІ – КҮЛӘШ!
| Қаралды: 16210
Биылғы жылы жерлесіміз, қазақтың бұлбұл әншісі күлаш Байсейітованың 110-жылдық мерейтойы.
Ерекше дарын иесін ұлт болып ұлықтау мақсатында кітапханамызда бүгін «ӘН ПЕРІШТЕСІ – КҮЛӘШ!» атты әдеби сазды кеш өтті.
КСРО-ның халық әртісі, Қазақстанның еңбек сіңірген әртісі, әнші Күләш Байсейітованың шығармашылығына арналған кітап көрме мен облыстық Бейнелеу мұражайының қорынан қыл қалам шеберлерінің әншімізді бейнелеген картиналары қойылып, қалың оқырманға таныстырылды.
KitapTime-2022
| Қаралды: 15496
"KitapTime-2022" республикалық кітап фестивалінің
23 қыркүйек күні сағат 11.00-де академиялық музыкалық комедия театры алаңында Қарағанды облысының кітапханалары Қазақстанның барлық өңірлерімен бірге Мәдениет және спорт министрлігінің қолдауымен Ұлттық академиялық кітапхананың бастамасымен ұйымдастырылған алғашқы жалпы республикалық "KitapTime-2022" кітап фестивалінің салтанатты ашылуына қатысады.
Фестивалдің мақсаты – кітап пен кітап оқуға деген қызығушылыққа қолдау көрсету, қоғамның мәдени құндылықтары мен зияткерлік потенциалын арттыру болып табылады.
"Гоголевка" жастары болашаққа үмітпен қарайды!
| Қаралды: 15039
Н.В. Гоголь атындағы облыстық әмбебап ғылыми кітапханасының қызметкерлері коворкинг орталығында мемлекет басшысы Қ.К. Тоқаевтың Қазақстан халқына "Әділетті мемлекет. Біртұтас ұлт. Берекелі қоғам" Жолдауын талқылады. Кітапхана басшысы Аманжолова Дина Базарбайқызы Жолдаудың негізгі бағыттары туралы түсіндірме сөз сөйледі. Ол Президенттің Қазақстан халқына арнаған Жолдауы біздің қарапайым азаматтардың бойында әрдайым эмоцияның толқынын, үміт пен әрекетке деген құлшынысын тудыратынын айтты. Биыл біз Мемлекет басшысының Жолдауын ерекше тағатсыздана күттік. Пандемиядан кейінгі қиын кезеңде еліміз қалай дамиды? Ертең бізді не күтіп тұр, лайықты өмір сүруге мүмкіндік бола ма, мемлекеттің алдағы жылдардағы әлеуметтік саясаты қандай болмақ – осы және басқа да көптеген сауалдарға Президент Жолдауында жауап берді.
Жайық Бектұров: жылдар және ойлар
| Қаралды: 17015
Биыл жазушы, публицист, Қарағанды қаласының Құрметті азаматы Жайық Бектұровқа 110 жыл толып отыр. Осыған орай, Н.В.Гоголь атындағы ҚОӘҒК «Жайық Бектұров: жылдар және ойлар» атты диалог-көрмесін назарларыңызға ұсынады.
Жайық Кәгенұлы Бектұров - қазақ мәдениетіне зор еңбек сіңірген, халықтың рухани қамын жоқтаған тұлға, ол көп жылдар Қазақстан Жазушылар одағының Қарағанды облысы филиалында жетекшілік етті.
2023 жылы өлкетану әдебиеттерін насихаттауға арналған көмек құралы
| Қаралды: 14597
Н.В. Гоголь атындағы Қарағанды облыстық әмбебап - ғылыми кітапханасы жыл сайын Қарағанды облысы бойынша аталып өтетін және еске алынатын атаулы күндер тізбегін шығарып, оқырмандарға ұсынып келеді.
Қарағанды облысы бойынша бұл атаулы күндер мен айтулы оқиғалар күнтізбесі1971 жылдан шығарып келе жатыр.
Күнтізбеде облысымыздың тарихи-мәдени, саяси, шаруашылық-экономикалық ақпараттары қамтылған, облыстың тарихи оқиғаларының, кәсіпорындардың, ұйымдардың, даңқты жерлестердің және Қарағанды облысының дамуына елеулі үлес қосқан азаматтардың мерейтойлық күндерінің тізбесі келтірілген. Күнтізбенің мазмұны қоғамдағы адамгершілік және рухани құндылықтардың нығаюына, Отанға және туған жерге деген сүйіспеншілік рухында тәрбиелеуге бағытталған.
2022 жылы 16 наурызда Мемлекет басшысы Қ.Тоқаев «Жаңа Қазақстан: Жаңару мен жаңғыру жолы» атты халыққа арнаған Жолдауында Қарағанды облысының бөлігінен Ұлытау облысының құрылатынын айтқан болатын. «Қазақстан Республикасының әкімшілік-аумақтық құрылысы туралы» Қазақстан Республикасы Заңының 9-бабына сәйкес 2022 жылдың 8 маусым айынан бастап ресми түрде Ұлытау облысы құрылды. Әкімшілік орталығы – Жезқазған қаласы болды. Ұлытау облысы құрамына бұрынғы Қарағанды облысы аумағында болған Жезқазған, Сәтбаев, Қаражал қалалары, Ұлытау, Жаңаарқа аудандары енді. Бұл күнтізбеге Ұлытау облысы құрамына енген елді мекендердің тарихы, белгілі ақын-жазушылары, ғалымдары, өнер қайраткерлері т.б. туралы мәліметтерді алып тастамадық, қысқаша анықтамалар мен әдебиеттер тізімін беруді жөн көрдік.
Ата Заң - Мемлекеттіктің негізі
| Қаралды: 17773
Конституция күнін мерекелеу қазақстандықтар үшін - Тәуелсіз Қазақстан тарихындағы маңызды күн. 1995 жылғы 30 тамызда сол айтулы күні өткен жалпыұлттық референдумда, Қазақстан халқы жаңа Конституцияның жобасын мақұлдап, оны қазақстандықтардың көпшілігі бекіткен Республиканың Негізгі Заңы қабылданды. Бұл оқиға Қазақстанның тәуелсіз мемлекет құру жолындағы шешуші сәттерінің бірі болды. Мемлекет басшысы Қасым-Жомарт Тоқаев өзінің Қазақстан халқына арнаған үндеуінде - «Конституция – біздің Тәуелсіздігіміздің сенімді кепілі»,- деп нақты айтып өтті.
Бұл мереке ең маңызды мемлекеттік мерекелердің бірі болып табылады, өйткені ол Қазақстан халқының еркін, оның елді демократиялық, зайырлы, құқықтық және әлеуметтік мемлекет ретінде орнықтыруға деген ұмтылысын көрсетеді. (Қазақстан Конституциясының 1-бабы).
Жас келсе – іске!
| Қаралды: 20343
Мемлекет басшысы Қ.-Ж.Тоқаев Қазақстан халқына арнаған жолдауларында - жастарды жан-жақты қолдау мемлекеттік саясаттың басты бағыттарының бірі болып табылатынын және халықтың үміті мен ұмтылысы әрдайым өскелең ұрпақпен байланысты болатынын, сондықтан жастардың тиісті тәрбие алуына, білімі мен дағдысына ерекше баса назар аударатындығын тілге тиек етті. Мемлекет басшысы Қазақстандағы жастар, Қазақстан халқының болашақ игілігі мен үміті екені түсіне отырып, жастарды қаржыландырумен қамтамасыз ететін дамыту бағдарламаларын әзірледі.
1998 жылғы 8-12 тамызда Лиссабонда өткен Жастар ісі жөніндегі министрлердің, дүниежүзілік конференциясының ұсынысы бойынша - 1999 жылғы 17 желтоқсанда БҰҰ Бас Ассамблеясы бекіткен күн, яғни 12 тамыз - Халықаралық Жастар күні біздің республикамыздағы жыл сайын атап өтілетін елеулі оқиға болып табылады. Алғаш рет Халықаралық Жастар күні 2000 жылдың 12 тамызында атап өтілді.
