Қуатты ұлттың деңгейі – халық
| Қаралды: 12072
2023 жылдың 24 қаңтар күні «Дарын» мамандандырылған мектеп-интернат-лицейінің 10 «А» сынып оқушыларымен Мемлекет басшысы Қ-Ж.К. Тоқаевтың Қазақстан халқына кезекті жолдауына байланысты «Қуатты ұлттың деңгейі – халық» атты ақпараттық сағат өтіп, оқушылар өз ойларымен, өз пікірлерімен бөлісті.
Оқушылардың ойынша, экономикасы дамыған әділетті елде тұру халыққа ыңғайлы. Сол жағдайды жасау – мемлекеттің басты міндеті. Әрбір жұмыс жасаған азаматтың еңбегі елеулі болуы қажет және ертеңгі күнге деген сенім болуы тиіс.
Табиғаты өзгеше дарын
| Қаралды: 12113
Биыл «Бір ел - бір кітап» акциясы аясында қазақ прозасында ерекше қолтаңбасы бар жазушы, драматург Төлен Әбдіктің шығармалары оқуға ұсынылды. Сіздердің назарларыңызға Төлен Әбдіктің шығармашылығына арналған «Табиғаты өзгеше дарын» атты бейне шолуымызды ұсынамыз. Баршаңызды Төлен Әбдіктің әдебиеттерін оқуға шақырамыз!
Мұрат Әуездің мәдени мұрасы
| Қаралды: 12353
Құрметті оқырман! Тамыры терең тарихымыз бен әдебиетімізді, өнер мен мәдениетті зор талғаммен зерделеп жүрген көрнекті ғалым Мұрат Әуезовтің 80 жылдығына арналған «Мұрат Әуездің мәдени мұрасы» атты безендірілген кітап экспозициясына әдеби шолуды назарларыңызға ұсынамыз! Қызығушылық танытқан әрбір оқырман кітапханаға келіп әдебиеттермен жақын таныса алады.
Келіңіздер!
Қарағандылық танкіші қыздар жайлы естіген боларсыз?!
| Қаралды: 11588
1941-1945 жылдардағы соғыста ерлермен иық тіресе жүріп, ерлік көрсеткен қазақстандық нәзік жанды аруларымыз жайында әлі де ашылмай, зерттелмей жатқан тұстары бар. Ол – сұрапыл шайқастарда ерлермен қатар соғысқан қыз-келіншектер тағдыры... Олар игерген әскери мамандықтар...
Осы тақырыпта кітапханада қарағандылық запастағы полиция полковнигі Қанат Кареновтің сыйға тартқан «Қарлығаштар оралар ма = Когда вернутся ласточки» атты кітабының таныстырылымы өтті.
Мұрат Әуезовтің мәдени мұрасы
| Қаралды: 12311
Қазақ руханиятының ұлттық тұрғыда қалыптасып, дамуына айрықша үлес қосып, тамыры терең тарихымыз бен әдебиетімізді, өнер мен мәдениетті зор талғаммен зерттеп, зерделеп жүрген көрнекті ғалым Мұрат Әуезов биыл 80 жасқа толды.
Осы атаулы күнге орай, оқу залдары бөлімінде мерейтой иесінің өмірі мен ғылыми-шығармашылық қызметіне арналған «Мұрат Әуезовтің мәдени мұрасы» атты безендірілген кітап экспозицисы ұйымдастырылды. Көрмеге Мұрат Әуезовтің әр жылдары жарық көрген еңбектері, мақалалары, ол туралы басылымдар ұсынылған. Атап айтқанда:
- Қоғам және мемлекет қайраткері, мәдениеттанушы Мұрат Әуезовтің «Ділім» (Алматы, 2018) атты бұл кітабына әр жылдардағы мақалалары, түрлі басылымдарға берген сұхбаттары, халықаралық және республикалық симпозиум-конференцияларда жасаған баяндамалары мен сөйлеген сөздері, айтқан ой-пікірлері топтастырылып беріліп отыр. Кітапта автор еліміздегі қоғамдық, саяси және әлеуметтік мәселелер, мәдени және әдеби процестер, қазіргі әлемдегі геосаяси жағдайлар, жаһандану үдерісінің жай-күйі мен маңызды жақтары жайында ой білдіреді.
- «Времен связующая нить» (Алматы, 2017) атты еңбек те көрмеде басты назарда болмақ. Мұрат Әуезовтің бұл еңбегінде салыстырмалы түрде ғылыми монографиялар, ұлттық әдебиеттерді зерттеу және мәдени интеграция мәселелері, халықаралық симпозиумдардағы баяндамалары, эсселер, саяхат очерктері, күнделіктер және сұхбаттары жинақталған.
Қазақ сахнасының саңлағы
| Қаралды: 12843
Қазақ сахнасының саңлағы : Бикен Римованың 100 жылдығына : библиографиялық жадынама / Н. В. Гоголь атындағы Қарағанды облыстық әмбебап ғылыми кітапханасы; құраст. Ж. С. Шохшина. – Қарағанды, 2023. – 6 бет.
Биыл елімізде өнер мен мәдениет саласына үлес қосқан бірқатар азаматтардың мерейтойлары аталып өтіледі. Солардың ішінде кино экраны мен театр сахнасында қазақтың талай ару қызы мен абзал аналарының сүбелі образын сомдаған талантты актриса, қаламгер, драматург, Қазақстанның халық әртісі, Қырғыз Республикасы өнерінің еңбек сіңірген қайраткері, Мемлекеттік сыйлықтың лауреаты – Бикен Римова бар. Биылғы жылы актерлік болмысы өзгеше, ешкімге ұқсамайтын, халқымыздың дарынды өнер қайраткері Бикен Римованың туғанына 100 жыл толып отыр. Оның творчестволық жолы ұлттық театр, киномыздың даму тарихымен тікелей өзектес. Шын мәнінде халқының әртісі аталған белгілі өнер шеберінің кешегісі мен бүгіні баршамызға өнеге.
Ендеше, құрметті оқырмандар! Қазақ сахнасында ғана емес, жалпы кино әлемі мен театр сахнасында бейнеленген кейіпкердің өмірі мен өнер жолы туралы қызықты да, танымды деректер жинақталған "Қазақ сахнасының саңлағы" атты библиографиялық жадынаманы назарларыңызға ұсынамыз.
Көрсеткішті құрастыру барысында облыстық кітапхананың каталогы, өнер әдебиеттер бөлімі мен ақпараттық-библиографиялық қамтамасыз ету бөлімінің қордағы кітаптары, тарихи танымдық анықтамалар мен әдеби еңбектері, мерзімді басылымдар беттеріндегі деректі мақалалар пайдаланылды.
Ғабиден ғаламшары
| Қаралды: 14128
Құрметті оқырмандар! Жазушы Ғабиден Мұстафиннің туғанына 120жылдығына арналған «Ғабиден ғаламшары» әдеби бейне шолуымен таныс болыңыздар.
"Бір ел - бір кітап-2023" акциясы
| Қаралды: 23073
«Бір ел - бір кітап» республикалық акциясы елімізде 2007 жылдан бастап ҚР Мәдениет және спорт министрлігінің қолдауымен Қазақстан Республикасының Ұлттық Академиялық Кітапханасы мен ҚР кітапханалар қауымдастығының бастамасымен өткізіліп келеді.
Акцияның мақсаты – ұлттық әдебиетіміздегі ең үздік туындыларды оқу және насихаттау, оқу ісін ілгерілету, рухани мұрамызды сақтау, сондай-ақ жастарға рухани-адамгершілік және патриоттық тәрбие беруге бағытталған. Сонымен қатар, акция қоғамның отандық әдебиетке, оның ішінде классикаға, қазіргі әдебиет пен поэзияға деген қызығушылығын әрі қарай жоғарылатуына мүмкіндік туғызады.
2023 жылы «Бір ел – бір кітап» республикалық акциясы аясында қазақ жазушысы, драматург, қоғам қайраткері Төлен Әбдіктің шығармаларын оқуға ұсынылды.
Тәуелсіздік баға жетпес байлық
| Қаралды: 15185
Қазақстан Республикасының Тәуелсіздік күні қарсаңында 14 желтоқсан күні Н.В.Гоголь атындағы облыстық әмбебап ғылыми кітапханасында Қазақстан Республикасының Тәуелсіздік күніне арналған «Тәуелсіздік баға жетпес байлық» атты салтанатты жиналыс өтті.
Салтанатты жиналыс кітапхана басшысы Д. Б. Аманжолованың құттықтау сөзімен ашылды, ол Қазақстан Республикасында Тәуелсіздік жылдарында елеулі ауқымды мемлекеттік өзгерістер болғанын және Жаңа, Әділетті Қазақстанды құру жолындағы аса маңызды қадамдарын атап өтті. Кітапхананың жас оқырманы Мандик Дамир «Тәуелсіз Қазақстан» атты өлеңін оқып берді.
«Балалар жылы» қорытындысы
| Қаралды: 14869
2022 жыл елімізде «Балалар жылы» деп жарияланды. Осыған орай, 13 желтоқсан күні С.Сейфуллин атындағы Қарағанды облыстық академиялық қазақ драма театрында Қарағанды облысының мәдениет, архивтер және құжаттама басқармасының қолдауымен облыс кітапханаларында Балалар жылының қорытындысы бойынша салтанатты рәсім өтті.
Салтанатты рәсімде Балалар жылының қорытындысы және облыстың 2022 жылғы Үздік кітапханаларының байқауы сонымен қатар балаларға арналған Үздік жоба жеңімпаздары анықталды.
Н.В.Гоголь атындағы облыстық әмбебап ғылыми кітапханасының атынан ұсынылған:
- «Үздік оқырмандар» номинациясы бойынша - мамандандырылған музыкалық мектеп-интернатының 9 «А» сынып оқушысы Акеева Аяжан; №27 мектептің 7 «А» сынып оқушысы Егінбай Мәди;
- «Ең көп оқитын отбасылар» номинациясы бойынша - Инкарбаевтар отбасы (Инкарбаев Сұңғат Сейдикаримұлы (әкесі); Тумабаева Кумис Айтбаевна (анасы); Сейдікәрім Қарақат Сұңғатқызы(11жас).)
- «Ең белсенді мектеп» - №27 Жалпы білім беру мектебі Қарағанды облысының мәдениет, архивтер және құжаттама басқармасының алғыс хаттарымен марапатталды.
