Дара талант иесі - Төлен Әбдік: библиографиялық жадынама / Н.В. Гоголь атындағы Қарағанды облыстық әмбебап ғылыми кітапханасы; құраст. Ж.С. Шохшина. – Қарағанды, 2023. – 11 б.

Оқу мәдениетін дамыту және қолдау, тарихи мәдени және рухани мұрамызды сақтау, ана тілімізге деген қамқорлық қатынасты дамыту мақсатында жыл сайын «Бір ел – бір кітап» акциясын жүзеге асырып келеді.

Биыл «Бір ел – бір кітап» республикалық акциясының ұйымдастыру комитетінің кезекті отырысында 2023 жылға қарымды қаламгер Төлен Әбдіктіңшығармаларын оқуғатаңдап алынды.

Танымал жазушы, белсенді қоғам қайраткері Төлен Әбдік қалың оқырмандарға да, әдеби ортаға да кеңінен танымал. Оның талантының ерекшелігі тереңнен толғап, жүректен қозғап жазған шырайлы шығармалары дәлел. Жазушының алғашқы шыққан әңгімелері мен соңғы жазған романдарына дейін, оқырмандардың жүрегіне жол тауып, сүйікті шығармаларына айналды. Төлен Әбдікұлының шығармалары адам мінезінің құпия сырларына үңілуі, өмірдің мән - мағынасын философиялық тұрғыдан қараумен ерекшеленеді.

Құрметті оқырман! Қазақ әдебиетіне елеулі үлес қосып келе жатқан парасат майданының сардары, Қазақстан Республикасының мемлекеттік сыйлықтың лауреаты, қоғам қайраткері, жазушы, драматург Төлен Әбдікұлының өмірі мен шығармашылығы туралы қызықты да, танымды деректер жинақталған «Дара талант иесі – Төлен Әбдік» атты библиографиялық жадынаманы назарларыңызға ұсынамыз.

Толығырақ...

Қазақ сахнасының саңлағы : Бикен Римованың 100 жылдығына : библиографиялық жадынама / Н. В. Гоголь атындағы Қарағанды облыстық әмбебап ғылыми кітапханасы; құраст. Ж. С. Шохшина. – Қарағанды, 2023. – 6 бет.

Биыл елімізде өнер мен мәдениет саласына үлес қосқан бірқатар азаматтардың мерейтойлары аталып өтіледі. Солардың ішінде кино экраны мен театр сахнасында қазақтың талай ару қызы мен абзал аналарының сүбелі образын сомдаған талантты актриса, қаламгер, драматург, Қазақстанның халық әртісі, Қырғыз Республикасы өнерінің еңбек сіңірген қайраткері, Мемлекеттік сыйлықтың лауреаты – Бикен Римова бар. Биылғы жылы актерлік болмысы өзгеше, ешкімге ұқсамайтын, халқымыздың дарынды өнер қайраткері Бикен Римованың туғанына 100 жыл толып отыр. Оның творчестволық жолы ұлттық театр, киномыздың даму тарихымен тікелей өзектес. Шын мәнінде халқының әртісі аталған белгілі өнер шеберінің кешегісі мен бүгіні баршамызға өнеге.

Ендеше, құрметті оқырмандар! Қазақ сахнасында ғана емес, жалпы кино әлемі мен театр сахнасында бейнеленген кейіпкердің өмірі мен өнер жолы туралы қызықты да, танымды деректер жинақталған "Қазақ сахнасының саңлағы" атты библиографиялық жадынаманы назарларыңызға ұсынамыз.

Көрсеткішті құрастыру барысында облыстық кітапхананың каталогы, өнер әдебиеттер бөлімі мен ақпараттық-библиографиялық қамтамасыз ету бөлімінің қордағы кітаптары, тарихи танымдық анықтамалар мен әдеби еңбектері, мерзімді басылымдар беттеріндегі деректі мақалалар пайдаланылды.

Толығырақ...

«Сарыарқа саңлағы» Жазушы, этнограф Ақселеу Сланұлы Сейдімбектің 80 жылдығына арналған: библиографиялық жадынама / Н. В. Гоголь атындағы Қарағанды облыстық әмбебап ғылыми кітапханасы; құраст. Ж. С. Шохшина. – Қарағанды, 2022 ж. – 23 бет

Көрнекті әдебиеттанушы, өнер зерттеушісі, алаштың аяулы азаматы, ұлт рухының жанашыры, қазіргі заманғы қазақтану ғылымының негізін салушылардың бірі, филология ғылымдарының докторы, ғалым-жазушы, публицист – Ақселеу Сланұлы Сейдімбек әдебиет, тарих, этнография, филология, өнертану салаларында өнімді еңбектерін қалдырған. Ұлылықтың үлгісі болған Ақселеу Сейдімбек – саналы ғұмырын, халқымыздың өр рухының, өнегелі салтының, өрелі қалпының аса көрнекті өкілі еді. Ол тек өз творчествосымен ғана емес, күллі ғылыми, әдеби жұртшылықты қазақ оқырманының тарихи зердесін, мәдени өрісін, этнографиялық білігін арттыруға, жұмылдыруға ат салысқан санаулы санаткерлердің бірі. Бір сөзбен айтқанда, Ақселеу Сейдімбек бүгінгі қазақ зиялылары ішінде өзінің феноменальді қабілет-қарымымен ерекшеленетін заңғар тұлға. Артында қалған құнды мұралары мен кітаптары болашақ ұрпақтың жадында мәңгі сақталуы тиіс.

Олай болса, құрметті оқырмандар! Халықтың рухани құндылығын, өнері мен өнегесін дәріптеген зерек ойлы ғалым-этнограф Ақселеу Сланұлы Сейдімбектің өмірі мен шығармашылығы туралы қызықты да, танымды деректер жинақталған «Сарыарқа саңлағы» атты библиографиялық жадынамасын назарларыңызға ұсынамыз.

Толығырақ...

Қазақстан Республикасының 2023 жылы аталып өтілетін және еске алатын күндер күнтізбесі / Н. В. Гоголь атындағы Қарағанды облыстық әмбебап ғылыми кітапханасы; құраст. Ж.С.Шохшина. – Қарағанды, 2022.-21 б.

Жыл сайын Н.В.Гоголь атындағы Қарағанды облыстық әмбебап ғылыми кітапханасының ақпараттық – библиографиялық қамтамасыз ету бөлімі Қазақстан Республикасының тарихи маңызды күндеріне арналған күнтізбе шығарып тұрады.

Күнтізбеде 2023 жылы аталып өтілетін ақын – жазушылардың, мәдениет және өнер қайраткерлерінің, ғалымдардың, саясаткерлердің мерейтойлық даталары берілген. Басылымға тарихи оқиғалардың күндері, Қазақстан Республикасының Мемлекеттік және кәсіби мерекелері енгізілді.

Басылым материалдары әр айға бөлініп, жалпы тізім бойынша орналастырылған. Ең маңызды деген мерейтой даталарында Н.В.Гоголь атындағы ОӘҒК қорында бар әдебиет тізімі де ұсынылған. Күні мен айы белгісіз даталар жеке беріліп, оған да әдебиеттер тізімі жасалған.

Күнтізбеде көрсетілген көрнекті тұлғалардың мерейтой даталары мен тарихи оқиғалардың күндері туралы ақпаратты біздің кітапхананың ақпараттық ресурстарынан табуға болатынына назар аударамыз: электрондық каталог, оның ішінде онлайн-каталог, кітапхана сайты, библиографиялық көрсеткіштер мен жадынамалар. Кітапханамыздың мәліметтер қоры көптеген тұлғалар мен оқиғалар жайлы ақпарат көздерімен едәуір көбірек қамтылған.

Толығырақ...

2023 жылы өлкетану әдебиеттерін насихаттауға арналған көмек құралы / Н.В. Гоголь атындағы Қарағанды облыстық әмбебап ғылыми кітапханасы; құраст. С.О.Телпекбаева. – Қарағанды, 2022. – 102 б.

Н.В. Гоголь атындағы Қарағанды облыстық әмбебап - ғылыми кітапханасы жыл сайын Қарағанды облысы бойынша аталып өтетін және еске алынатын атаулы күндер тізбегін шығарып, оқырмандарға ұсынып келеді.

Қарағанды облысы бойынша бұл атаулы күндер мен айтулы оқиғалар күнтізбесі1971 жылдан шығарып келе жатыр.

Күнтізбеде облысымыздың тарихи-мәдени, саяси, шаруашылық-экономикалық ақпараттары қамтылған, облыстың тарихи оқиғаларының, кәсіпорындардың, ұйымдардың, даңқты жерлестердің және Қарағанды облысының дамуына елеулі үлес қосқан азаматтардың мерейтойлық күндерінің тізбесі келтірілген. Күнтізбенің мазмұны қоғамдағы адамгершілік және рухани құндылықтардың нығаюына, Отанға және туған жерге деген сүйіспеншілік рухында тәрбиелеуге бағытталған.

2022 жылы 16 наурызда Мемлекет басшысы Қ.Тоқаев «Жаңа Қазақстан: Жаңару мен жаңғыру жолы» атты халыққа арнаған Жолдауында Қарағанды облысының бөлігінен Ұлытау облысының құрылатынын айтқан болатын. «Қазақстан Республикасының әкімшілік-аумақтық құрылысы туралы» Қазақстан Республикасы Заңының 9-бабына сәйкес 2022 жылдың 8 маусым айынан бастап ресми түрде Ұлытау облысы құрылды. Әкімшілік орталығы – Жезқазған қаласы болды. Ұлытау облысы құрамына бұрынғы Қарағанды облысы аумағында болған Жезқазған, Сәтбаев, Қаражал қалалары, Ұлытау, Жаңаарқа аудандары енді. Бұл күнтізбеге Ұлытау облысы құрамына енген елді мекендердің тарихы, белгілі ақын-жазушылары, ғалымдары, өнер қайраткерлері т.б. туралы мәліметтерді алып тастамадық, қысқаша анықтамалар мен әдебиеттер тізімін беруді жөн көрдік.

Толығырақ...