Бүгін кітапханамызда Қарағанды облысының дін істері басқармасының теолог маманы Турапбай Марат Нұрғалиұлымен кездесу өтті. @din.qaragandy
Кездесу барысында радикалды діни ағымдардың іс-әрекетінен сақтану, деструктивті діни ағымдардың қоғамдық қауіпсіздікке, неке және отбасы институтына, адам денсаулығына төндіретін қаупі жайлы ақпарат беріліп, бейнефильмдер көрсетілді. Кітапхана қызметкерлері дін жөнінде көкейлеріндегі сұрақтарын қойып, қонақты қордағы араб тілінде жазылған көне әдебиеттермен таныстырды.
Кеңес Одағының Батыры Мәншүк Мәметованың және “Халық қаһарманы” Хиуаз Доспанованың 100 жылдығына Қарағанды облысының мәдениет, архивтер және құжаттама басқармасының қолдауымен Эссе жазу байқауын ұйымдастырамыз. Байқауға жалпы білім беретін мектептердің 9-11 сынып оқушылары қатыса алады.

Ереже

Құрметті оқырман қауым! Назарларыңызға қазақ халқының заңғар жазушысы Сәбит Мұқанұлы Мұқановтың "Сырдария" романын ұсынамыз.

Биыл Қазақстан Республикасы Ұлттық ұланның құрылғанына 30 жыл. Осыдан 30 жыл бұрын, яғни 1992 жылы елімізде Қазақстан Республикасы iшкi iстер органдарының бірыңғай жүйесіне кiретін және жеке бастың, қоғам мен мемлекеттiң қауiпсiздiгiн қамтамасыз етуге, адамның және азаматтың құқықтары мен бостандықтарын қылмыстық және өзге де құқыққа қарсы қол сұғушылықтардан қорғауға арналған ҚР Ұлттық ұланы құрылған болатын. Ұлттық Ұланның қатарында қызмет ету көптеген жастар үшін құрмет. Мақсаты - мемлекеттік әскери шараларды және мемлекеттік объектілерді қорғауды, шетелдік делегацияларды қарсы алуды және шығарып салуды және басқа маңызды шараларды орындайды. Ұлан әскерлері өздерінің саптық бой түзеу мен шеберліктерін көрсетеді, бұл арқылы тәуелсіз мемлекетіміздің айбындылығын бейнелейді.

7 ақпан мен 12 наурыз аралығында өткізілген «Қуыршақтар әлемі - Мир кукол» атты АРТ-МАРАФОН мәресіне жетті.

Қуыршақ әлемін түрлендіріп, қолөнер шеберлері аталмыш шараға алуан түрлі жұмыстарын ұсынып, шараның маңызы мен мағынасының ажарын ашты.

Қазақстандағы балалар жылы аясында өткен ерекше өнер сайысына Қарағанды, Жезқазған, Сәтбаев, Саран, Шахтинск, Қаражал қалаларынан, сонымен қоса, Нұра, Шет, Қарқаралы, Абай, Осакаров, Ақтоғай елді мекендерінен 90-нан астам шебер қатысып, папье-маше, полимерлі саз, ағаш, жүн, тоқыма, трикотаж және аралас материалдардан жасалған интерьерлік және авторлық қуыршақтарын ұсынды.

Ай кітабы