18 шілде күні «Кітапханадағы жаз» акциясы аясында кітапхананың конферец-залында латынша Q әрпіне сурет салу шығармашылық дамыту конкурсы өткізілді.

Конкурстың мақсаты: сурет салу және латын әліпбиіндегі Q әрпін оқырман қауымға насихаттау. Конкурсқа Қарағанды қаласының №92 гимназиясының 5-12 жас аралығындағы балалары қатысты. Латын әліпбиіндегі Q әрпін пайдаланып, конкурс қатысушылары Қарағанды қаласының табиғатын негізге ала отырып, өз ойларынан суреттер салды. Сурет салуда әр қатысушының қиялы жоғары екендігін анықтау қиын емес. Себебі, балалардың шеберліктері жан сүйсінерліктей болды.

Болашаққа берілген дұрыс бағыт – бағдардың оңтайлы нәтижесін болашақ ұрпақтан көруімізге болады. Балалардың сурет салудағы ерекшеліктері жұмыс барысында бір – біріне кедергі жасамау, қағаз бетіне түсіретін ойдағы бейнені қаз қалпында салу, нұсқаушыдан жинақы бағыт күту. Міне, осындай өнерлері ұйымдастырушыларды тәнті қылды.

Адамның бойындағы дарынды көре білу де үлкен қасиет дер едім. Кітапханамыздың жас та болса өнерлі, шабытты оқырмандары еліміздің дамуына өз үлестерін осылайша қосуда.

Құрметті оқырман, сіздерді де шығармашылық шабыт, өнерлі қасиеттеріңіз болса, акциямызға қатысуға шақырамыз.

Оқу залдары, кітапханашы Тусупбаева М.

Қазақстанда алғаш рет 2007 жылы бастау алған республикалық "Бір ел – бір кітап" акциясына 2018 жылға үш бірдей кітап: Шәкәрім Құдайбердіұлының шығармалары, Бауыржан Момышұлы "Ұшқан ұя" және Немат Келімбетовтің "Үміт үзгім келмейді" атты хикаят – монологы таңдалынып, көпшілік оқырман назарына ұсынылған болатын. Бұл кітаптар қалың оқырманға жыл бойы насихатталуда.

Кітап дегеніміз – алдыңғы ұрпақтың болашақ ұрпаққа қалдырған рухани өсиеті. Кітап оқудан тыйылсақ, ой ойлаудан да тыйылар едік, - деген еді Ғабит Мүсірепов.

2018 жылдың 14 маусымы күні Қарағанды облыстық Н.В. Гоголь атындағы әмбебап ғылымы кітапханасының ұйымдастыруымен алтыншы мәрте өткізіліп отырған "Жазғы Оқу қаласы" жобасы жыл сайынғы жұмысын бастады. Кітап оқуға деген қоғамның қызығушылығын арттыратын бұл шара -  қала тұрғындары үшін кітап оқуға қолайлы мүмкіндік тудырды. Балалардың жаз мезгіліндегі бос уақыттарын тиімді ұйымдастыру мақсатында жұмыс істейтін болады.

Балалар мен ата-аналар назарына!!!

Жаз мезгілі келді, әдеттегідей ата-аналардың алдында балалардың бос уақытын дұрыс ұйымдастыру, жаз мезгілін қызықты өткізу, көтеріңкі көңіл-күй сыйлап, білімдерін тереңдету сынды мәселелері туындайды. Осы уақытта Сіздерге Н.В.Гоголь атындағы Қарағанды облыстық кітапханасының қызметкерлері көмекке келеді.

Жаз мезгілінде бос уақытын қызықты да пайдалы өткізуге әр жастағы балаларды кітапханаға шақырамыз.

2018 жылдың 14 маусымында сағат 11.00-де Қарағанды қаласының оқырмандарына арналған дәстүрлі "Жазғы Оқу қаласы" жобасы жұмыс жасауын бастайды.

"Жазғы Оқу қаласын" Әлиханов көшесі бойындағы, білім басқармасына қарсы саябақта, 23 тамызынан  дейін аптасына екі рет сейсенбі және бейсенбі күндері сағат 11.00-ден 16.00-ге дейін жұмыс жасайды. Оқырмандар үшін оқуды қолдауға арналған әртүрлі викториналар мен акциялар өткізіледі.

Барлығыңызды табиғат аясында әлемдік көркем әдебиеттердің үздік үлгілерімен сусындауға, көптеген қызықты мағлұматтар білуге және жаңа достар табуға мүмкіндік беретін "Жазғы Оқу қаласына" шақырамыз.

Ай кітабы